أصحاب الأمراض المزمنة يتعاملوا إزاي مع رمضان؟

أصحاب الأمراض المزمنة يتعاملوا إزاي مع رمضان؟

الأمراض المزمنة يتعاملوا إزاي مع رمضان؟

مرضى الضغط المنخفض

لا ينصح أبداً أنكم تبذلوا مجهود كبير طول فترة الصيام، أو التعرض لدرجات الحرارة العالية، لأنها هتخليكوا تفقدوا كميات كبيرة من المياه الموجودة في الجسم، وحجم الدم هيقل بنسبة بسيطة، وهيكون في ميل لانخفاض ضغط الدم. لو في مكان فيه تكييف أو درجة حرارة مناسبة يفضل أنكم تكونوا موجودين فيه، ومتنزلوش تعملوا مشاوير عمال على بطال، هتلاقوا نفسكوا قبل الفطار مش قادرين تتحركوا، وحتى بعد الفطار هتكونوا بردوا تعبانين.

مرضى السكر

الأطباء بينصحوا مرضى السكر من النوع التاني بعدم الصيام في رمضان، لأن طول النهار الجسم مش بيدخله أي أكل، والبنكرياس مش شغال، وعلى الفطار بيفوجئ بكمية أكل كبيرة جداً وأنه هيبدأ يشتغل وهو أصلاً ضعيف. والبنكرياس بعد الفطار بيطلع كمية كبيرة جداً من الأنسولين، ومرة واحدة بيحصل هبوط في سكر الدم، فبيحصل للمريض حالة من الإعياء والتعب. لازم المريض قبل ما يقرر الصيام يستشير الطبيب اللي بيتابع حالته، وهو اللي يحدد إذا كان ينفع يصوم ولا لأ.

مرضى الكلى

الكلى عايشة على المياه، وطول النهار بتركز المياه عشان تنتج البول، ومينفعش أن حد مريض كلى وفي مرحلة معينة من قصور الكلى ويصوم، لأن الكلى محتاجة كمية معينة من المياه طول النهار،  وهتتضرر جداً من نقص المياه.

مرضى الكبد

لو فيه مشاكل في سيولة الدم، أو مشاكل بتؤدي إلى تليف الكبد، يبقى المريض مينفعش يصوم. لو عندنا أي مشكلة صحية منصومش بالعافية، ونستغل الرخصة اللي ربنا سمح لنا بها، ولازم نرجع للدكتور اللي متابع الحالة عشان يأكد إذا كان الصيام ينفع ولا لأ.  

مقالات مشابهة


التعليقات

ضعي تعليقَكِ هنا

التقيمات

;