أضرار السكر الأبيض وبدائله

أضرار السكر الأبيض وبدائله

موضوعنا النهارده عن أضرار السكر الأبيض ،في مشكلة بتواجه ناس كتير من اللي بيعملوا دايت، وهما اللي بيحبوا مشروبات بالسكر الأبيض يومياً وبشكل كبير.

أضرار السكر الأبيض

والحقيقة أن السكر الأبيض من الحاجات اللي بتسبب أضرار ومشاكل كتير على الجسم بشكل كبير، وخصوصاً الجهاز العصبي بغض النظر على أن الشخص ده بيعمل دايت ولا لأ. والأبحاث اكتشفوا أن السكر الأبيض زيه بالظبط زي الكوكايين، السكر الأبيض مادة منشطة، بيشتغل في المخ على نفس المناطق اللي بيشتغل عليها الكوكايين، وليه نفس أعراض الإدمان، ونفس أعراض الانسحاب. عشان كدة بنلاقي الناس اللي بتاخد السكر بكميات كبيرة بيبتدوا يزودوا الجرعة كل شوية، لحد ما بنوصل لإدمان السكر، وأن أحنا مش قادرين خالص نبطل السكر في يومنا، عشان كدة في الدايت بنواجه مشكلة كبيرة في أننا نبطل السكر الأبيض.

أيه هي بدائل السكر؟

عندنا حاجات كتير جداً من بدائل السكر الصحية، واللي نقدر نستخدمها في الدايت، ومنهم:

الساكرين

وهي مادة كانت منتشرة في التمانينات بشكل كبير تحت اسم الساكرين، وهي بديلة للسكر، لكن الأبحاث اكتشفت بعد كدة أنها ممكن يكون لها دور في الإصابة بأنواع معينة من السرطانات فتم منعها.

الاسبرتام

دوروا بعد كدة ولقوا مادة اسمها الاسبرتام، واللي موجودة دلوقتي في كتير من بدائل السكر، الاسبرتام الحقيقة مش مادة مسرطنة بالجرعات البسيطة اللي أحنا بناخدها منها نهائياً، ولكن مشكلة الاسبرتام أنه مادة بتسبب استثارة خلايا المخ، وبتعجل من موت الخلايا دي. وفي أبحاث كتيرة جداً اكتشفت أن مرض الاسبرتام له دور في الإصابة بمرض الزهايمر، عشان كدة من الأحسن أننا منستخدمش أي حاجة فيها اسبرتام لتأثيره الضار على الجهاز العصبي.

السكرلوز

البديل اللي يعتبر آمن للسكر هو مادة السكرلوز، والسكرلوز مادة موجودة تحت مسميات كتير، وتعتبر من البدائل الصحية جداً للسكر.

الاستيفيا

ومن أفضل الحاجات اللي ممكن نستخدمها كبديل للسكر، واللي تم اكتشافها حديثاً هي نبات الاستيفيا، وهو نبات شبه النعناع ورقه حلو، ونقدر نستخدمه في أمان، وموجود في السوبر ماركت تحت مسميات كتيرة جداً.

أضرار السكر الأبيض وبدايله

مقالات مشابهة


التعليقات

ضعي تعليقَكِ هنا

التقيمات

;