الإثنين , مايو 21 2018
الرئيسية / أزياء وموضه / إزاي تختاري شنطة مناسبة لشكل جسمك؟

إزاي تختاري شنطة مناسبة لشكل جسمك؟

الشنطة في حياة كل بنت من الضروريات اللي مينفعش تستغنى عنها، يعني مفيش بنت تقدر تخرج من بيتها من غير ما يكون معها شنطة فيها كل أغراضها ومستلزماتها، وده خلى الشنطة بقت جزء أساسي من لبس البنت ومظهرها.

دائماً في اختيار الشنطة بنكون حرصين على أنها تكون متناسقة مع اللبس ولونه، ومع الوقت والمكان اللي رايحينه، بس فيه حاجة مش بناخد بالنا منها، وهي ضرورة أن الشنطة تكون متناسقة مع شكل الجسم والقوام، وخصوصاً وأن الشنطة لها تأثير على شكل الجسم، وممكن أنها تبرز عيوبه.

قواعد اختيار الشنطة المناسبة لك

ودي مجموعة من القواعد هتساعدك على اختيار الشنطة المناسبة لك:

1- البنات الطويلة واللي قوامها ممتلئ فيناسبها أكتر الشنط الكبيرة في الحجم، لأنها بتعمل توازن مع كتلة الجسم، كمان الشنط المتوسطة الحجم سواء اللي بتتعلق على الكتب أو الكلاتش اللي بتتشال بالإيد تعتبر مناسبة لهم، ولازم يبعدوا عن الشنط اللي حجمها صغير.

2- البنات الطويلة والرفيعة يناسبها الشنط اللي شكلها مدور.

3-  البنات القصيرة واللي قوامها صغير يناسبها أكتر الشنط الصغيرة، واللي بتكون على شكل مربع أو دائرة، وتعتبر موضة جداً السنة دي، وطبعاً لازم يبعدوا عن الشنط الكبيرة، أو اللي ايدها طويلة لأنها بتخفي جزء كبير من جسمهم وإطلالتهم.

4- البنات الممتلئة في منطقة الصدر الأفضل أنها تبعد عن الشنط اللي حجمها صغير وبتتعلق على الكتف، أو الشنط “الكروس”.

5- إيد الشنطة بتبرز المنطقة اللي بتنتهي عندها من الجسم، يعني لو الإيد مثلاً واصلة للفخذ، هتبرز منطقة الفخذ بشكل واضح عن باقي مناطق الجسم.

6- أنسب موضع للشنطة أنها تكون واصلة لمنتصف الجسم وتحديداً عند منطقة الوسط.

يفضل أن الشنطة تكون نفس لون اللبس، بس مش معقول هيكون عندك شنط بكل الألوان عشان كدة من الأفضل أن يكون عندك في دولابك شنط بألوان محايدة زي الأبيض والأسود والبني والكحلي والهافان.

 

إزاي تختاري شنطة مناسبة لشكل جسمك؟

– شنط Tote : وهي شنط حجمها كبير ولها حزام عريض، مناسبة جداً تستخدميها في الشغل.

– شنط Clutch : وهي الشنط حجمها صغير جداً، ومناسبة أكتر للسهرات والحفلات، وخصوصاً أنها مش بتستوعب حاجات كتير.

– شنط Satchel: وهي شنط فيها أحزمة وجيوب كتيرة، مناسبة أكتر للشغل أو الجامعة، لأن حجمها كبير ، وممكن تشيل الكتب والأوراق الكتير، وكمان أشكالها بتناسب كل الأذواق.

– شنط Duffel: وهي شنط قماش حجمها كبير مناسبة أكتر في السفر والرحلات لأنها بتستوعب حاجات كتير، كمان فيها أحزمة قوية تقدري تشيلي بها الشنطة بسهولة.

– شنط هلالية Hobo : وهي شنط على شكل هلال ولها حزام كبير بتتعلق منه على الكتف، والنوع ده مناسب أكتر في الشغل أو الجامعة، لأن الشنطة حجمها كبير وبتستوعب أغراض كتيرة.

الشنط الكروشيه أو القماش مناسبة أكتر للخروج في النهار أو في الرحلات.

شاهد أيضاً

كيف تجعلى مظهرك يبدو كالأثرياء حتى وإن كنتِ غير ذلك

كيف تجعلى مظهرك يبدو كالأثرياء ، إليكِ عبر موقع ستات دوت كوم مجموعة من النصائح لتجعلى …

قطع ملابس أساسية في دولابك خلال فصل الشتاء

قطع ملابس أساسية في دولابك خلال فصل الشتاء تغنيك عن اقتناء الكثير

اليوم عبر موقعكم ستات دوت كوم نقدم لكم موضوع نتناول فيه قطع ملابس أساسية في …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *