Admin
إزاي ترجعي بشرتك للشباب "الجزء الأول"

إزاي ترجعي بشرتك للشباب "الجزء الأول"

نقدر في اللعبة بتاعتنا ضد الزمن نكون كسبانين، وده بأننا نشرب مياه كتير، ضغط حياتنا قليل، أكل كويس، منتعرضش للشمس من غير واقي شمس، نحط مرطبات طول الوقت، علاج كويس لحب الشباب. يبقى عندنا كمان روتين كويس للبشرة بتاعتنا، يعني غسول مناسب لنوع البشرة سواء كانت دهنية أو جافة، واقي شمس كويس، يعني نستخدم حاجة الـ SPF بتاعتها 30 فما فوق، ويكون تركيبته مناسبة لنوع البشرة، لأن الشمس هي المسئولة عن تكسير الكولاجين في البشرة. استخدمي كمان مرطب مناسب لنوع بشرتك، كمان التونر عشان يسد مسام البشرة، واستخدمي حاجات عشان تزود كولاجين البشرة بداية من سن العشرينات، عشان تمنعي آثار العجز من أنها تظهر، لكن لو بدأتي العلاج ده بعد سن الخمسين يبقى أنتي كدة بتعالجي آثار العجز بس.

البوتكس والفيلر

البوتكس والفيلر هي مجموعة مواد طبيعية أو كيميائية بيتم حقن الوش بها في أماكن معينة على حسب العلاج اللي أنا عايزه عشان اظبط به شكل الوش. زمان كان حقن الفيلر بيخلي الوش شكله جميل ومظبوط، لكن مع أي تعبيرات للوش بيبان أنه مش طبيعي، لكن دلوقتي بقى بيتعمل بطريقة كويسة جداً، بحيث أنه محدش يقدر يكتشفه.

امتى تعملي حقن للوش؟

حقن الوش مالوش وقت معين، يعني ممكن حد في العشرينات يحتاج يعمل حقن لوشه، لو تركيبة العضم بتاعة الوش فيها عيب أو شكل مش جذاب، أو بتخليها تبان أكبر من سنها. ممكن كمان حالة يكون شفايفها رفيعة جداً، كمان الهالات السوداء تحت العين، كل الحالات دي بيتكون محتاجة حقن. الفكرة في الحقن أن لما حالة تحتاج تعمله، ممكن تكون واحدة عندهما خمسين سنة، ومتحتاجش خالص تعمل أي حقن، ووشها يكون مظبوط.   

مقالات مشابهة


التعليقات

ضعي تعليقَكِ هنا

التقيمات

;