اذا اردتي السفر الي هذه الدول عليك الحظر من علامات النحس بها

اذا اردتي السفر الي هذه الدول عليك الحظر من علامات النحس بها

آخر تحديث : الإثنين ٢٢ سبتمبر ٢٠١٩

النحس ناس كتير بتعتقد فيه وبيقولوا ساعات «المنحوس منحوس ولو علقوا على راسه فانوس»، ودا مثّل قديم بيتقال على الناس اللى حظهم قليل في الدنيا، و الغريبة إن ناس كتير بتؤمن إن لو حصل حاجات معينة خلال يومهم، يبقى اليوم ده مش باين له شمس وهايكون كله سوء حظ.

علامات النحس في امريكا
علامات النحس في امريكا

ومن ضمن الحاجات اللى بتجيب النحس فى المجتمع الأمريكى بشكل خاص، والعالم كله عامة، إن المرايا تتكسر، أو إنى أًمر من تحت سلم، وصوت الغراب والنهار لسه فى أوله، ويا سلام لو قطة سودا عدت قدامى يبقي يوم مش حلو خالص، وكمان لو الدنيا بتمطر أوعى تفتح الشمسية وانت جوه البيت لأن دى علامة من علامات سوء الحظ، حد يسألنى ويقولى طب إزاى نتحاشي سوء الحظ ده، أقولك من ضمن الطرق اللى البشر بيعملوها لتحاشي سوء الحظ، أو النحس بمعنى صريح، إنهم يرشوا الملح ورا ضهرهم من جهة الشمال؛ لأن الملح لو كان من جهة اليمين هيزود سوء الحظ !

النحس في كوريا

كوريا بقي دولة مختلفة في دلائل الحظ السئ وكمان الطرق اللى بتتبعها عشان تتجنب الحظ الوحش ده، فلو انت هتزور كوريا قريب لازم تعمل الحاجات دى لتجنب مخاطر النحس:
أول حاجة لازم تاكل شوربة أعشاب البحر لأنها بتجلب الحظ والذكاء، والطلبة الكوريين لازم ياكلوا منها قبل الإمتحان والشخص العادى بياكلها يوم عيد ميلاده عشان يبقى أول يوم فى عامه الجديد ملئ بالحظ، وبما إن جبنا سيرة الأكل، فمش محبب عند الكوريين و دول أسيا عموما وضع عيدان الاكل بشكل افقى فى طبق الارز لأنه بيجلب الحظ السئ.
وكمان من ضمن علامات الحظ السئ فى كوريا الكتابة بالقلم الأحمر؛ لأن قديماً فى الأساطير كان بيتم كتابة التعاويذ باللون الأحمر، والحاجة اللى هما شبهنا فيها شوية صوت الغراب الصبح، ولو الانسان الكورى لقي غراب قدام بيته الصبح مش بييخرج لحد اليوم ما يخلص، وبمناسبة البيت، فلازم ولابد الكوريين يشتروا ماسك خشبي بيضحك ويتعلق على اى حيطة فى البيت لأنه بكده بيطرد الأرواح الشريرة وبيجلب الحظ الحلو!

النحس في المجتمع الصيني

في المجتمع الصينى، من ضمن الحاجات اللى بتثير التشاؤم وبتجلب الحظ السئ عند الصينيين هى قص أظافر القدمين أو اليدين بالليل وبيقولوا إن اللى بيعمل كده بيتعرض لزيارة من الأشباح،بس قص الأظافر الصبحمفيش منه خطر ولا قلق.
وإن الصينى يكون نايم بالليل ويسمع صوت كلب، فدى علامة علي انه هيموت قريب! أما إذا سمع خوار بقرة في الفترة بين السابعة مساء حتي الحادية عشرة قبل منتصف الليل فدى إشارة تسعده؛ لأن معناها هيجيله هدايا كتير الفترة دى، بينما إذا سمع الصوت ده بين الحادية عشرة والواحدة صباحا فمعني دهإنه مقبل علي خناقة.

ولإرتباط المقامرة بالحظ فهناك معتقدات كتيربيراعيها الصيني ومنها: عدم عد الفلوس خلال اللعب لأنه هيجلب له سوء الحظ، كما إن الملابس الداخلية الحمراء بيعتقدوا إنها بتجلب الحظ.

الحظ السئ في ايطاليا مختلف

وفى إيطاليا، ممنوع منعاً باتا، إن ايطالى يكون لابس طقية ويقلعها ويرميها على السرير، لأنه ساعتها سوء الحظ هيجرى وراه بالمشوار ومش هيسيبه فى حاله أبداً، وكمان كان ممنوع قديما تربية الحيوانات الأليفة لأنها بتعتبر جالب لسوء الحظ ومن علامات النحس برضه إن يكون العيش مقلوب بحيث يكون وشه لتحت وضهره لفوق، وزى ما بيقولوا عندنا " امسك الخشب" كعلامة لطرد الحسد، ففي ايطاليا عشان يطردوا النحس بيمسطوا الحديد!

مصر ام النحس
النحس في المجتمع الصيني

فمصر بقى النحس مش بيرتبط بأحداث أو حيوانات بس، ده ممكن يرتبط بأشخاص وحاجات تانية غريبة، يعني ممكن ناس تحس بالنحس من القطط وزي ما قلنا قبل كده من الغربان، وناس بتتشائم من رقم 13مثلًا ، دا حتى ساعات الواحد بيتشائم من شخص وكل اما يشوفه وتحصله حاجة وحشه يقول اكيد دا النحس اللي جاي من الشخص دا، بس لازم نغير فكرتنا ونعرف ان العلم تقدم ومبقاش ينفع نتشائم من اي حاجة لانها مجرد عادات وتقاليد غريبة


التعليقات

ضعي تعليقَكِ هنا

التقيمات

مقالات مشابهة