skin avenue
skin avenue
ستات دوت كوم للتوعية بسرطان الثدي
تعرفي على أهمية استخدام واقي الشمس

تعرفي على أهمية استخدام واقي الشمس

استخدام واقي الشمس حاجة مهمة جداً أننا نستخدمها في الصيف والشتاء بداية من الطفولة وعلى مدار مراحل العمر، للبنات والأولاد كمان.

 

أضرار أشعة الشمس

 الشمس على الرغم من أنها مفيدة وبتزود فيتامين د في الجسم، إلا أن التعرض لها بيسبب أضرار كتير منها:

  • أمراض سرطانية في الجلد.
  • تكسير طبقة الكولاجين، والظهور المبكر للتجاعيد
  • بتسبب لغبطة في ألوان البشرة
  • حساسية في الوجه، والأماكن المعرضة للشمس

 

الشمس لها موجات مفيدة وموجات مضرة، وفائدة واقي الشمس أنه يمنع الموجات المضرة من الشمس أنها توصل للجلد.

 

اختيار واقي الشمس

بنختار واقي الشمس على أساس SPF وهو "Sun protection factor"، وهو بيعبر كمية موجات الشمس المحمية بالمنتج ده.

الهيئة الدوائية قالت أنه مفيش SPF 100، وفيه + ،SPF 50 ، لأن من رقم 50-100 بيحموا تقريباً زي بعض، فلو الناس بتحط 100 متفتكرش أنها كدة 100% محمية من الشمس.

من أول 30 بيقدر يعمل حماية، ولكن الـ 50+ بيعمل حماية مثالية أكتر.

 

كمان مهم جداً أن واقي الشمس بتاعي يكون مكتوب عليه UVA، وهي الموجة فوق البنفسجية أ، وهي المسئولة أكتر عن المشاكل اللي لها علاقة بالعجز والتجاعيد والحساسية، أما ب فهي المسئولة عن الحرق من الشمس.

تكوين واقي الشمسي لازم كمان يكون مناسب لنوع البشرة يعني ميخليهاش عليها زيت أو تبان بيضاء أو مجيرة، أو بيغمقك

لو بشرتك دهنية فيه أنواع جيل، وأنواع بتسحب الدهون من البشرة، والبشرة الجافة فيه أنواع فيها مرطبات للبشرة، كمان فيه أنواع واقي شمسي بتدي اللون اللي أنتي عايزاه لوشك، وبتغنيكي عن استخدام كريم الأساس. 

 

وضع واقي الشمس

 

أهم حاجة لازم تحطي كمية كبيرة من واقي الشمس، عشان يعمل مفعوله، ولو هتحطي كمية قليلة بعد 4 أو 5 ساعات لازم تحطي تاني.

لكن لو بلتيه بالمياه اتوضتي أو نزلتي بسين، يبقى تحطيه تاني بعد ما حطتيه بساعتين، ومتنسيش كمان دهان ظهر الايدين، أو أي منطقة في الجسم معرضة للشمس، فواقي الشمس مش بس للوش، ولكن في كل الأماكن اللي بتتعرض للشمس.

مقالات مشابهه


التعليقات

ضعي تعليقَكِ هنا

التقيمات

;