اعرفي أيه هو الحقن بالفيلر وامتى بيتعمل؟

الحقن بالفيلر هو واحد من التقنيات الحديثة اللي بتستخدم في عمليات تجميل الوجه والأنف، وتتميز التقنية دي بأنها آمنة جداً، لأنها مش  بتعتمد على الشق الجراحي، ومش بتسبب الإحساس بأي آلام خلال العملية أو بعدها، وكمان مش بتحتاج  تخدير خالص.

ما هو الفيلر؟

الفيلر مش اسم المادة اللي بيتحقن بها الوجه، لأ ده اسم التقنية نفسها، لأن تقنية الفيلر بتختلف عن البوتكس في أنه مش بيتم حقن الوجه بمادة واحدة من ولكن بمجموعة من المواد بنسب معينة، وبتختلف حسب نوع ومكان العيوب اللي بتعالجها. وبتعتمد تقنية الحقن بالفيلر على ملئ الفراغات والأجزاء المنخفضة الموجودة في الوجه والأنف، في علاج الكتير من حالات عيوب وتشوهات الوجه والأنف. الحالات اللي بيعالجها الفيلر الفيلر بيستخدم في عمليات التجميل في علاج  كتير من الحالات منها:

أولاً: بالنسبة للوجه:

  • إزالة التجاعيد، وخصوصاً التجاعيد الموجودة أسفل العين وحول الفم.
  • زيادة حجم الشفايف والخدود.
  • إزالة ترهلات الجلد في الخدود.
  • علاج التجاويف والجيوب والهالات السوداء تحت العيون.

ثانياً: بالنسبة للأنف:

  • صغر حجم الأنف عن بقية ملامح الوجه.
  • عدم انتظام استقامة سطح الأنف وحدوث انخفاض بتبعه ارتفاع على سطح الأنف.
  • بروز الأنف بوضوح عند جسر الأنف أو منتصفه أو أعلاه.
  • الأنف الأفطس.
  • انخفاض حافة الأنف.
  • اتساع فتحات الأنف.
  • كبر أحد طرفي الأنف عن الطرف الآخر.

خطوات حقن الوجه بالفيلر

مش بتحتاجي أي نوع من التخدير أثناء حقن الفيلر، لأنه مش بيسبب الشعور بأي ألم، ممكن الدكتور بس يحط كريم مخدر  موضعي على الأنف أو المناطق اللي هيتم حقنها من الوجه،  عشان يمنع الإحساس بالألم من وخز إبر الحقن. وخلال الحقن بتكوني فايقة وواعية ومتابعة كل الخطوات اللي بيعملها الدكتور، وممكن توجيهه أو تقترحي عليه تعديلات معينة أثناء الحقن. بيحدد الدكتور المواضع والنقط التي هيتم فيها الحقن، على الأنف وكمية الحقن، ومواد الحقن ونسب كل منها، وده بيتوقف على نوع عيوب الوجه أو الأنف، والتغير المطلوب فيها، والموضوع ده بيحدده الدكتور بدقة تامة، عشان لو حصل زيادة في أي نسب أو خطأ في مكان الحقن، ممكن يحصل تشوهات ومشاكل كبيرة في الوجه، فلازم تختاري كويس المكان اللي هتعمليه فيه الحقن، وتختاري دكتور محترف وعنده خبرة كبيرة في حقن الفيلر. بعد كدة الدكتور بيقوم بالحقن باستخدام نوع معين من الإبر، واللي معمولة مخصوص لحقن الفيلر، وبيتم الحقن في المناطق المنخفضة من الوجه  وده بيخلي الوجه ممتلئ، ويؤدي إلى إزالة التجاعيد والترهلات الموجودة فيه. وبالنسبة للأنف بيتم حقن الأجزاء المنخفضة فيه حالة عدم انتظام سطح الأنف، أو حقن طرف الأنف في حالة الأنف الأفطس، أو حقن حول جسر الأنف في حالة بروز جسر الأنف، والأنف المعوج الدكتور  بيقوم بالحقن على الجنب المنحني لملئ المناطق المنحنية وعشان يخلي الأنف مستقيم، والأنف غير المتساوي الجانبين الدكتور بيقوم بحقن الجانب الأقل في الحجم عشان يخليه متساوي مع الجنب التاني.

نتائج الحقن بالفيلر

تظهر نتائج الحقن بالفيلر بعد الجلسة على طول، وممكن تتأخر يوم أو يومين، بس زي البوتكس النتائج دي مؤقتة، ومفعولها ينتهي بعد فترة محددة، هي أطول شوية من حقن البوتكس ممكن توصل لسنة أو سنة ونصف، وبعدها هتحتاجي تعملي حقن تاني عشان توصلي لنفس النتائج. مش هتحتاجي أي فترة نقاهة بعدها، وتقدري تمارسي حياتك بشكل عادي، بس ممكن يحصل انتفاخ وتورم  في لوجهك بعد الحقن وهيروح على طول، وممكن تحسي بألم بسيط، والأحسن أنك تاخدي ساعتها مسكنات.

أسعار حقن الفيلر

بيختلف سعر الحقن بالفيلر على حسب نوع وكمية المواد اللي بيتم حقن الوجه بها، والعيب اللي بيعاني منه االوجه، وحجم التعديلات اللي بيحتاجها، والمكان اللي هيتم حقنه، والدكتور والمركز الطبي اللي هتتعمل فيه عملية الحقن.   وبصفة عامة أسعار حقن الفيلر في مصر بتبدأ من 2000 جنيه، وممكن توصل لأكتر من 10 آلاف جنيه.

التعليقات

ضعي تعليقَكِ هنا

التقيمات

; ;