البلكونة مش للكراكيب.. إزاي تعملي ديكور لبلكونتك الصغيرة؟

البلكونة مش للكراكيب.. إزاي تعملي ديكور لبلكونتك الصغيرة؟

آخر تحديث : الخميس ٢١ مارس ٢٠١٩
بلغي عن مشكلة

المحتويات

البلكونة الصغيرة بالنسبة لكتير من الناس هي المكان اللي بيخزنوا فيه الكراكيب، والحاجات اللي مش بيستعملوها، على الرغم من أن البلكونة هي أكتر مكان بيخلي للبيت روح، وبيساعد على الاسترخاء. شرب الشاي، قراءة كتاب، سماع موسيقي، أو حتى الكلام مع حد من الأسرة، كل الحاجات دي بيبقى لها طعم مختلف في البلكونة اللي بتنقلك لعالم تاني، وبتخليكي تفصلي بعد يوم مضغوط وطويل. مش شرط تكون البلكونة كبيرة عشان نقعد فيها، ونعرف نعملها ديكور، بالعكس ممكن نستغل مساحة البلكونة الصغيرة ونعملها ديكور بسيط يناسبها.

ودي 6 أفكار هتساعدك إزاي تستغلي البلكونة الصغيرة

1- المرجيحة هي حلم كل بنت وطفل صغير، ومفيش مكان أنسب من البلكونة في البيت ممكن تكون المرجيحة فيه. تقدري تحطي المرجيحة في البلكونة، وممكن تزيني البلكونة بالزرع والنباتات، اللي هتديها شكل حلو، وهتعملها جو مختلف، وادهني البلكونة بلون فاتح عشان يخلي مساحتها تبان أكبر. البلكونة الصغيرة 2- لو عايزة البلكونة يكون فيها بهجة وألوانها زاهية، ممكن تستخدمي كنبة صغيرة أو كرسي مربع منجد بقماش ملون، وعليه مجموعة من المخدات. وبالنسبة للحائط ممكن تعلقي عليه براويز أو أصص زرع. البلكونة الصغيرة 3- فكرة الديكور دي بسيطة جداً، كرسين وترابيزة صغيرة، وزيني البلكونة بلمبات صغيرة إضاءتها خافتة، لأنها بتزود أناقة البلكونة، وبتخلي الجو فيها بالليل يكون رومانسي، كمان ممكن تضيفي عليها الشموع. ومتنسيش أصص الزرع والورود، اللي بتضيف لمسة جمالية كبيرة على البلكونة. البلكونة الصغيرة 4- الفكرة دي بتعتمد على استغلال الحائط بشكل أساسي، فتقدري تعملي أرفف معلقة على الحائط، وتحطي فيها بعض الفازات والإكسسوارات الصغيرة، وممكن تضيفي للأرفف أسوبتات إضاءة عشان تزود أناقة الديكور. البلكونة الصغيرة 5- الفكرة دي بتعتمد بشكل أساسي على استغلال كل مساحة البلكونة في عمل كنبة وتزيين البلكونة بديكورات بسيطة. البلكونة الصغيرة 6- الفكرة دي للي بيحبوا القراءة، ممكن تعملي أرفف على الحائط وتحطي فيها كتب وبعض الفازات والديكورات البسيطة، ومش هتحتاجي معاها غير كرسي أو ترابيزة صغيرة. البلكونة الصغيرة

شاركي مع ستات دوت كوم بموضوعاتك

التعليقات

ضعي تعليقَكِ هنا

التقيمات

مقالات مشابهة