تعرفي على فوائد الطعام الصينى

تعرفي على فوائد الطعام الصينى

الطعام الصينى هو من أفضل أنواع المطابخ الصحية، الصينيون عموماً هما أطول الناس أعماراً على وجه الأرض، وأجسامهم تعتبر من أحسن الأجسام على الإطلاق، ونسبة السمنة عندهم تكاد تكون منعدمة، والشعر مش بيشيب بدري ولا بيقع، ووظائفهم العقلية بتفضل كويسة مع التقدم في العمر.

الطعام الصينى

ليه المطبخ الصيني صحي؟

1- الأرز

الصينين بيستخدموا في أكلهم الأرز بشكل أكبر من القمح، والأرز هو من أفضل الحبوب اللي ممكن نستخدمها مناعياً، ومش بيهيج جهاز المناعة، وملوش أي أضرار بشرط ضبط الكمية، عشان ميأثرش على مستوى السكر في الدم.

2- الأسماك

السمك يعتبر أصح بروتين ممكن نستخدمه على الإطلاق، لأنه غني بأوميجا 3، وغني بفيتامين د، مفهوش دهون مضرة، بالعكس كل الدهون اللي فيه مفيدة، وبتعزز جهاز المناعة، وبتحسن وظائف الجهاز العصبي.

3- الفواكه والخضروات

الصينين بيستخدموا كمية كبيرة من الخضروات والفواكه جوة أكلهم. 4- الطحالب البحرية الخضراء في الصين بيستخدموا الطحالب البحرية الخضراء، ودي حاجة مش بنلاقيها في الأكل عندنا غير السوشي، ونظراً لأن المحيطات نسب التلوث فيها أقل من البحار واليابس، عشان كدة نباتات المحيطات أقل تلوث بكتير من اليابس. ونباتات المحيطات زي الطحالب مليانة بالأملاح المعدنية والفيتامينات، وبتعزز جهاز المناعة، وبتحسن صحتنا، وبتحمينا من أمراض كتيرة جداً. والطحالب هي الورق الأخضر الملفوف به السوشي، ومتوافر منها في السوبر ماركت أكياس فيها أوراق مجففة، وممكن نضيف الطحالب دي لما تبقى طرية على طبق السلطة بتاعنا.

5- المشروم الياباني

في المطبخ الصيني بيعتمدوا على المشروم الياباني، واللي بيحتوي على البروتينات والمعادن

6- شاي الأوننج

وده نوع من الشاي بيشربوه في الصين، وغني جداً بمضادات الأكسدة. بيعتمدوا أكتر كمان في أكلهم على المكسرات زي اللوز وعين الجمل، وكمان زيت الزيتون المعمول على البارد، واللي بيبقى أول عصرة من زيت الزيتون.

مقالات مشابهة


التعليقات

ضعي تعليقَكِ هنا

التقيمات

;