skin avenue
skin avenue
ستات دوت كوم للتوعية بسرطان الثدي
تعرفي على الفرق بين الليزر التقشيري والغير تقشيري

تعرفي على الفرق بين الليزر التقشيري والغير تقشيري

 

الفرق بين الليزر التقشيري والغير تقشيري أن أحنا بنيجي عند الضوء بتاع الليزر وبنجزئه، والليزر بيكون يا مبخر للأنسجة يا غير مبخر للأنسجة.

ومبخر للأنسجة يعني أنه خطوط الليزر بتخترق الجلد، وبتدخل تبخر أو تحرق المكان اللي وصلت له، وتسيب الجلد فاضي، فالجلد السليم حوله يعوضه تاني بأنه يبني جلد سليم.

والليزر الغير مبخر للأنسجة يعني الليزر بيعدي للجلد جوة زي النور لما بيعدي من الإزاز، من غير ما يبخر الأنسجة.

 

على الرغم من الليزر المبخرة نتايجها أقوى، إلا أن فترة النقاهة بعدها طويلة جداً ممكن توصل لأسبوع، لكن الغير مبخر مش بيحتاج فترة نقاهة، وممكن تاني يوم تقدري تمارسي حياتك بشكل طبيعي.

الليزر المبخر ممكن حرارته العالية جداً تسبب تصبغ الجلد باللون البني بعد ما يخف ويلتئم، وخصوصاً البشرات السمرة اللي بتميز الناس في دول البحر المتوسط واللي منهم مصر، بشرتك بتكون أكثر تأثر وبتتعرض للتصبغ من حرارة الليزر العالية، وبكدة تكون الليزر الغير مبخرة أثبتت على المدى البعيد أنها الأحسن وخصوصاً لدول زي مصر.

الليزر المبخرة بتكون أحسن للحالات اللي بتعاني من الجروح العميقة أو الحروق الناتجة عن حوادث، لكن على أثار حب الشباب يبقى الأفضل الليزر الغير مبخر.

 

مقالات مشابهه


التعليقات

ضعي تعليقَكِ هنا

التقيمات

;