تعرف على الوجبات الخفيفة الصحية فى الصيف

تعرف على الوجبات الخفيفة الصحية فى الصيف

موضوعنا عن الوجبات الخفيفة ،في مشكلة بنواجها في الصيف أننا بنشرب العصائر المحفوظة اللي بتحتوي على سكر بكميات كبيرة، وبناكل دائماً الايس كريم، والمقرمشات والفشار اللي فيها نكهات وملح زيادة. والحقيقة أن الحاجات دي كلها مش صحية، وفيه وجبات خفيفة صحية كتيرة نقدر ناكلها في الصيف، ومنها:

الوجبات الخفيفة

1- سلطة الزبادي:

زبادي بالنعناع، ونحط عليهم شوية ليمون صغيرين، ونقطع جزر وخيار صوابع، ونغمسهم في الزبادي، الوجبة دي تعتبر من الوجبات الخفيفة الصحية والمشبعة وساقعة في نفس الوقت عشان الحر، وهتدينا إحساس بالرطوبة، وهتحسن الجهاز الهضمي، لأنها بتحتوي على أطعمة مفيدة جداً للجسم. الخيار فيه محتوى كبير جداً من المياه، والجزر بيحتوي على فيتامين A.

2- الحمص والبنجر

لو جيبنا الحمص مع البنجر المسلوقين، وضربناهم في الخلاط، هيطلعنا معجون أو الاسبريد نقدر نفرده على شريحة توست مثلاً، والحقيقة أن الاسبريد ده هيكون محبب جداً للأطفال، وخصوصاً أن لونه بيطلع فوشيا. ممكن تستبدلي الحمص بأي نوع تاني من البقول زي الفاصوليا أو اللوبيا، وخصوصاً أن النشويات المركبة أو البقول من أكتر الحاجات المفيدة اللي لازم نستغلها، وكمان لأنهم بيشبعوا جداً. وفي علم التغذية بنعتبرهم زي الأزر في السعرات الحرارية، سواء كان الفول أو العدس أو الفاصوليا أو اللوبيا، ولكنهم لهم فوائد كتير جداً لأنهم مليانين ألياف، وبيحافظوا على معامل الشبع عندنا أطول فترة ممكنة، وبتخلي السكر ثابت في الدم أطول فترة ممكنة، وبالتالي مش بنحس بالجوع بسرعة.

فيديو الوجبات الخفيفة

مقالات مشابهة


التعليقات

ضعي تعليقَكِ هنا

التقيمات

;