تأثير الحلويات على شعورنا بالجوع

تأثير الحلويات على شعورنا بالجوع

آخر تحديث : الجمعة ١٧ يوليو ٢٠٢٠
بلغي عن مشكلة

تأثير الحلويات على شعورنا بالجوع ،لما بناخد حاجات فيها سكريات بسيطة أو معامل حلاوتها عالية زي الأيس كريم والعصائر اللي مليانة سكر، والحلويات اللي بنجيبها من السوبر ماركت والكيكات الجاهزة والبسكويت، اللي بيحصل أن معدل السكر في الدم بيرتفع فجأة.

تأثير الحلويات على شعورنا بالجوع

أيه اللي بيحصل في الجسم بعد تناول السكريات؟

والارتفاع ده بيحصل على طول بعد ما بناكل الحاجات اللي فيها سكر في خلال نص ساعة بالكتير، وهضم السكريات البسيطة بيبدأ من أول اللعاب على طول، وعندنا انزيم بيهضم السكريات من أول ما بتدخل جسمنا، ولو أكلنا حتة عيش فينو صغيرة هنلاقي طعمها في البوق بقى مسكر، لأنها بتتهضم في دقيقة بسبب تأثير الانزيم الموجود في اللعاب. وبعد ما بيرتفع معدل السكر في الدم فور تناول السكريات، البنكرياس بيطلع كمية كبيرة من الأنسولين، عشان يقلل مستوى السكر اللي ارتفع فجأة في الدم، وبعد ساعة ونص أو ساعتين على أقصى تقدير السكر في الدم بينخفض عن المستوى الطبيعي، وبيدأ المريض يحس بجوع شديد، وعايز ياكل حاجة مسكرة تانية. الحقيقة دي عبارة عن حلقة مفرغة، ولما بنبدأ فيها مبنخلصش، ولما بناكل حاجة من الحاجات المسكرة أوي دي بعد ساعة ونصف أو ساعتين بحس أن أنا عايزة أكل حاجة مسكرة تانية، لأنها بتلعب بشكل كبير في معدل السكر في الدم، وحاجة من الحاجات اللي لها تأثير إدماني، ومش بنقدر نخلص منها بسهولة.

فيديو يوضح تأثير الحلويات على شعورنا بالجوع


التعليقات

ضعي تعليقَكِ هنا

التقيمات

مقالات مشابهة