تعرفي على أسباب تساقط الشعر الطبيعي وطرق علاجه

تعرفي على أسباب تساقط الشعر الطبيعي وطرق علاجه

فيه سؤال كتير من البنات بتسأله وهو أيه أسباب تساقط الشعر الطبيعي ، ليه الشعر بيقع؟، الطبيعي أن الشعر يقع، لأن الشعر بيمر بدورة حياة، ودورة الحياة فيها موت، والطبيعي أن الشعر يقع يومياً، والأبحاث العلمية توصلت لأنه من 70-250 شعرة بتقع خلال اليوم الواحد، وتساقط الشعر الطبيعي مش بنحس به قوي، لأن الشعر الجديد اللي بينمو على قد اللي بيقع، وبالتالي مش بنحس أن الشعر بيخف، فلازم الشعر يقع ولكن بمعدل معين، ومفيش أي علاج ممكن يوقف تساقط الشعر الطبيعي.

وفيه أسباب كتير لتساقط الشعر منها وراثي، ومنها أسباب تانية زي:

1- نقص العناصر الغذائية

سوء التغذية ونقص العناصر الغذائية زي الحديد والكالسيوم والبروتين وفيتامين د ومشاكل الغدة الدرقية كل الحاجات دي بتؤدي لتساقط الشعر بمعدل أكبر من المعدل الطبيعي، عشان كدة لو حسيتي أن شعرك بيقع بزيادة أول حاجة لازم تعمليها هي التحليل.

2- سوء الحالة النفسية

أي ضغط نفسي عنيف ممكن يؤدي لتساقط الشعر بعدها بمدة طويلة شوية ممكن توصل لـ 3 شهور.

3- الأدوية

في أدوية بتسبب تساقط الشعر زي الكيماوي، واللي بيسبب تساقط الشعر بعد إجراؤها بـ 3 أسابيع، وكمان فيه أدوية تانية كتير.

4- العادات اليومية الخاطئة

العادات اليومية اللي بنعملها مع الشعر بتسبب تساقطه، يعني لو بتغسلي شعرك كتير أو بتغسلي شعرك قليل أو بتعصريه جامد بعد الغسل أو بتهملي تسريحه بعد الغسيل، تسريح الشعر في نفس الاتجاه كل يوم، أو شد الشعر جامد لفرده، أو استخدام كيماويات لفرد الشعر، أو صبغ الشعر كتير وتمويجه كيرلي.

طرق علاج تساقط الشعر

لازم نحدد سبب تساقط الشعر عشان ناخد العلاج ونوقف العادة اللي بتسبب تساقط الشعر معه، وبيتم استخدام بعض المنتجات اللي بتزود الدورة الدموية على فروة الرأس، لتحسين استجابة الشعر للأدوية.

البلازما والميزوثيرابي

من العوامل المساعدة في علاج تساقط الشعر، لكن مش عصايا سحرية بتوقف تساقط الشعر فوراً، لكن لازم نحدد السبب الأساسي اللي بيسبب تساقط الشعر ونعالجه.

مقالات مشابهة


التعليقات

ضعي تعليقَكِ هنا

التقيمات

;