تعرفي على الزيوت الصحية في الطبخ

تعرفي على الزيوت الصحية في الطبخ

آخر تحديث : الجمعة ١٥ يوليو ٢٠١٩

الزيوت الصحية ،ناس كتير بتسأل استخدم زيت أيه في الطبيخ يكون صحي ومفيد؟

الزيوت الصحية

1- الزيت الحار:

لازم كلنا نعرف أن أفضل أنواع الزيوت الصحية هو زيت بذرة الكتان "الزيت الحار"، واللي بيحتوي على الأوميجا 3. وأوميجا 3 مهمة جداً لتحسين المود، وحالة الجهاز العصبي، ووظائف المخ والأعصاب عموماً، بس من مشاكل الزيت الحار أن ريحته مدخنة شوية، وأنه ليه طعم مش بيعجب ناس كتير، وهو مناسب أكتر أننا نحطه على الفول أو سلطة الجبنة أو السلطة الخضراء لو حبينا طعمه. كمان فيه مشكلة تانية أنه مينفعش يتحط على النار نهائياً ولا يلمسها خالص، الحقيقة أن الزيوت كلها لا يفضل أنها تتحط على النار خالص.

2- زيت الزيتون

من أفضل الزيوت الصحية النباتية، اللي بيستخدم في الجسم لتنظيف الشرايين من الدهون المضرة، وبرده مينفعش يتحط نهائياً على النار، بس مسموح أننا نستخدمه في التشويح الخفيف على النار، وفي درجة حرارة منخفضة. الأفضل أننا نستخدمه على البارد زي سلطة الفول والسلطة الخضراء وسلطة الجبنة، عشان نحصل منه على أقصى فائدة ممكنة.

3- زيت عباد الشمس

من الزيوت اللي بتستحمل الغليان على درجة حرارة عالية، هو وزيت نخالة الأرز وجوز الهند، بس زيت عباد الشمس أفضلهم لأنه بيستخدم في الطبيخ، وخفيف وملوش طعم، ومن أفضل الزيوت اللي بتستخدم في الطبخ.

4- زيت الذرة

درجة الغليان أو التدخين بتاعته عالية، وفي نفس الوقت كمان طعمه مقبول في الأكل. نحاول قدر الإمكان أننا نستخدم الزيوت دي على البارد، يعني لو قدرنا نعمل الأرز من غير زيت، وبعدين نحط عليه الزيت في الآخر لما يستوي، عشان الأرز يبقى شكله حلو وبيلمع، يبقى ده حل كويس جداً، ولو مقدرناش يبقى نحط كمية قليلة من الزيوت ومنخلهاش تقدح ومنقليش كتير، عشان نحافظ على صحة الشرايين.


التعليقات

ضعي تعليقَكِ هنا

التقيمات

مقالات مشابهة