تعرفي على فوائد وأضرار الكافيين

تعرفي على فوائد وأضرار الكافيين

آخر تحديث : الجمعة ١٦ يوليو ٢٠١٩

المحتويات

الكافيين موجود فى الشاي والقهوة و دى المشروبات اللي بنعتمد عليها بشكل كبير يومياً و لها فوائد زي ما لها أضرار.

أضرار الكافيين

الشاي بيحتوي على مادة اسمها التنك أسيد، وكمان مادة تانية اسمها الفيوفلين، وأكتر عيب للشاي أنه بيزود الحموضة، يعني لو شخص بيعاني من الحموضة هتسبب زيادة في حموضة المعدة، ومشاكل في جدار المعدة. القهوة برده بتسبب نفس مشكلة الحموضة، بس القهوة بتشتغل بطريقة مختلفة، القلب بيحتوي على بؤرة معينة، البؤرة دي بتطلع نبضة كهربائية بتؤدي أن القلب ينقبض كوحدة واحدة، لكن القهوة والشاي كتير بتؤدي إلى بؤر كتير كهربية فبتلغبط كهرباء القلب، فبنلاقي ضربات قلبنا بتكون مش منتظمة، عشان كدة بيقولوا أن الشاي والقهوة بيلغبطوا ضربات القلب لو كان الشخص بيستهلكم بكميات كبيرة ودي حقيقة. كمان الشاي والقهوة مواد قابضة بتسبب ارتفاع ضغط الدم على المدى البعيد من استهلاكها. المشكلة في القهوة سريعة التحضير أنها قهوة مصنعة، فلو ضروري أن الشخص يشرب قهوة لازم تكون القهوة دي طبيعية، وجايبها من مطحنة البن. القهوة سريعة التحضير بتحتوي على مواد تانية أحنا منعرفش عنها أي حاجة، وبنحاول على قدر الإمكان في التغذية العلاجية نستخدم الحاجة الطبيعية اللي ربنا خلقها، ونبعد عن أي حاجة مصنعة. ولو ضروري نشرب قهوة في اليوم يكون فنجان واحد للستات، واتنين للرجالة، فلازم نلتزم بالجرعة دي عشان نحصل على فوائد القهوة واللي بتحتوي على مضادات للأكسدة، ونبعد عن التأثيرات الضارة بتاعتها زي ارتفاع الضغط، ولغبطة ضربات القلب. مادة الكافيين اللي موجودة في القهوة زيها زي الأدوية بالظبط بتشتغل بطريقة معينة، الجرعة الصغيرة بتشتغل مدرة للبول، والجرعة الكبيرة بيبدأ الجسم فيها أنه يقاوم إدرار البول، ويخاف على نفسه من الجفاف، ويحبس المياه. عشان كدة الناس اللي بتعمل دايت وبتشرب قهوة كتير جسمها بيحبس المياه، ففنجان واحد في اليوم مفيش منه أي ضرر، لأن الاعتدال هو أساس كل حاجة.


التعليقات

ضعي تعليقَكِ هنا

التقيمات

مقالات مشابهة