8 نصائح قبل شراء الموبيليا

8 نصائح قبل شراء الموبيليا

آخر تحديث : الإثنين ١٥ أكتوبر ٢٠١٩

شراء الموبليا عملية مهمة وصعبة كلنا بنمر بيها، وفيه ناس كتير بتقع فى مشاكل علشان معندهمش خبرة في الموضوع ده، بس احنا هنقولك على شويه معلومات لازم تعرفهم قبل متشترى.

يقدم موقع "ستات دوت كوم"، نصائح قبل شراء الموبيليا.

8 نصائح قبل شراء الموبيليا

1- تحديد المساحة

في البداية عليكي سيدتي أن تقومي بتحديد مساحة المكان الأول، المساحة بتتحكم فى نوع الاثاث وحجمه، يعنى المساحة الصغيرة مينفعش معاها الأثاث الكلاسيكي أو اللى فيه شغل كثير، يُفضل الأثاث الحديث "مودرن" علشان بيدى إحساس بالبساطة والإتساع.

8 نصائح قبل شراء الموبيليا

2- تحديد ميزانية لكل قطعة

ضعي ميزانية للقطع الى عايز تشتريها، علشان متشتريش قطع غالية وتخلص عليها الميزانية وبعدين تكتشف انك لسه مجبتش حاجات كتير. ممكن تنزل تلف فى المعارض او تدور على النت عشان تعرف متوسط الأسعار وتعمل ميزانية مبدئية تشتغل عليها.

3- السؤال لأكثر من مكان قبل الشراء

اسأل عند اكتر من واحد قبل ما تاخد القرار وشوف حاجات كتير علشان متشتريش حاجة و تندم بعد كدة لو لقيت حاجة أحسن، ومتخليش تركيزك على اسم اللى بتشترى منه، ركز على الجوده والسعر. واسأل كمان لو فيه شحن لحد البيت عشان متوجعش دماغك في النقل، ده غير تكلفتة.

4- الخامات المصنوع منها العفش

اسألي سيدتي على الخامات اللى مصنوع منها العفش، اوض النوم، النيش، الدواليب، سطح الترابيزات، المكاتب والسفرة بيتصنعوا من الخشب الكونتر. والكونتر يعتبر من الخشب المُصنَع على عكس الزان والموسكى والأرو اخشاب طبيعية. والأنواع الأفضل بالترتيب من وجهة نظرنا هى (الكونتر الطبقات – جود وود – وطنية – فنية) ولو خبطت على الخشب ولقيت صوت مكتوم ده دليل على ان الخشب كويس.

8 نصائح قبل شراء الموبيليا

5- الركن والانتريهات

خشب الرُكن والأنتريهات يفضل يكون زان أحمر، والزان الأحمر الموجود في مصر فيه منه أنواع والأفضل بالترتيب (الروماني - AB - BC- الكلف) ويفضل يكون السمك مش اقل من 4 سم.


6- كثافة السفنج في الركن والأنتريهات

كل ما بتزيد كل ما هيزيد المدة اللى ممكن يهبط فيها السفنج، وتقدر تعرف السفنج اللى كثافته عالية لما تضغط عليه بصباعك مش هيسيب مكان وهيرجع بسرعة بعكس السفنج اللى كثاقته قليلة هياخد وقت وهيعلم وفي كل الأحول هتحتاج يكون فوق السفنج طبقة او طبقتين من الفيبر علشان يبقى مُريح. وخلى بالك ان المخدات لازم تكون فيبر 100%.

8 نصائح قبل شراء الموبيليا

7- مِجرى الادراج

فيها اكتر من نوع بس المنتشر (المرحلة الواحدة - المرحلتين - السوفت كلوز) المرحلة الواحدة الدرج مش بيطلع بكامل حجمه على عكس المرحلتين. اما السوفت كلوز فهو زي المرحلتين بس ممكن بلمسة واحده يقفل وكمان بيجي في الأخر ويقفل ببطء من غير ما يخبط ولا يعمل صوت.

8- سُمك الزجاج

ميقلش عن 8 ملي وبالنسبة للرخام فكل لون بيفرق عن التاني، بس بشكل عام ارخص الأنواع هي الأصفر والرمادي والأحمر المنقط والأفضل منهم هو الأخضر. وافضل نوع رخام هو الأسود المنقط ذهبى او فضى.

أسس اختيار الأثاث قبل الشراء


يجب تحديد ميزانية ثابتة لجميع القطع التي ترغب في شراؤها، وشراء قطع كل غرفة على حدة، فلا بد من اخذ جولة في معرض الأثاث أولا" قبل الشراء لمعرفة الأسعار، وبناء الميزانية على هذا الأثاث.
يجب اختيار قطع الأثاث،بمواصفات ملائمة على ألوان الغرف، لتصبح الغرفة متناسقة مع بعضها.
تحديد المساحة، وهى من اهم الخطوات التي يجب أن تتخذها قبل عملية شراء الأثاث، لان المساحة تتحكم في نوعية الأثاث وحجمه، فلابد من اخذ المساحة حتى تستطيعي شراء أثاث على حجم المساحة التي يوضع فيها، وعليك أيضا" قياس الغرف لأنها تتحكم في تصميم الستائر والديكور وأيضا" حجم السجاد، فلا بد من التصرف على هذا الأساس.
هناك أنواع كثيرة من الأثاث، مثل الأثاث المودرن والكلاسيكي، فعليك تحددي الأثاث الذي ترغبين في شرائه أولا"، وينصح بتفقد معارض الأثاث والشركات لمعرفة اهم الموديلات وأحدثها، ومن هنا يمكن تحديد الأثاث الذي تريدينه لمنزلك.


التعليقات

ضعي تعليقَكِ هنا

التقيمات

مقالات مشابهة