شهر العسل في مصر.. افضل واشهر اماكن لسعادتك

شهر العسل في مصر.. افضل واشهر اماكن لسعادتك

شهر العسل وسفر ولا الفرح ولا الاتنين؟

شهر العسل ممكن يكون مش مكلف وممتع في نفس الوقت من غير ما نستغنى عن الفرح، بس انهاردة هنقدر نساعدك انك تعمل الفرح وتستمتع باجمل شهر عسل في الدنيا وجوا مصر في اماكن شبهه بلاد برا ويمكن احسن كمان.

شهر العسل على شواطئ البحر الاحمر

 سهل حشيش

 هذه المنطقة تقع على بعد 20 كيلومترا شمال الغردقة، ستجد أجمل ما يميزها مياهها الساكنة الزرقاء والشعاب المرجانية الساحرة، وستجد بها فنادق بتصميمات رائعة منها بالتأكيد ما يناسب تكاليفك والأهم أن أغلب الفنادق هناك رائعة، وتتيح لكل المقيمين بها رؤية البحر فى منظر خيالى، إلى جانب أماكن مخصصة للتنزه والتمشية سهل حشيش من أكثر الأماكن رومانسية فى مصر لأى زوجين لقضاء شهر العسل، ويمكنك التمتع فيها برحلات السفارى والرحلات البحرية وكذلك التسوق.

 خليج مكادى

يعتبر من أفضل المناطق التى يمكن السباحة فيها بالغردقة، فارضية البحر غير صخرية، وتتمتع بمياه نقية جدا وجو رائع ، ويتمتع خليج مكادى بمستوى عال جدا من الخدمة، ويحتوى على العديد من المطاعم وأماكن التسوق الى جانب الفنادق التى توفر غرف بحمام سباحة داخلى.

 دهب

بالتأكيد ستكون إجازتك مميزة لو قررت السفر إلى هناك فى شهر العسل، فطبيعة المكان الساحرة وشواطئها الهادئة وأماكنها الجميلة، تجعلك منجذبا لها من اللحظات الأولى فور وصولك لها، كما يمكنكما ركوب الأمواج فيها بالتأكيد، وكذلك ستجدان هناك منطقة البلو هول يمكن من خلالها مشاهدة أجمل الشعب المرجانية والأسماك الملونة،كما أنه هناك من الممكن أن تنظم رحلات لزيارة سانت كاترين وجبل موسى خصوصا إن كنتما من هواه المغامرات.

العين السخنة

 

ودي من أشهر الوجهات السياحية في البحر الأحمر وأقربها للقاهرة، يعني ممكن تكون هناك خلال ساعة ونصف بس وجايز اقل، وبتتميز السخنة بشواطئها الجميلة والينابيع، دة غير انها بتتميز بكثرة العيون الكبريتية بها واللي بتستخدم كمان لعلاج أمراض كتير، وهناك ممكن تستمتع في شهر العسل بأنشطة كتير زي السباحة والغوص والتزلج المائي والتزلج على القوارب وزيارة جبل الجلالة ودة من أهم المعالم السياحية والدينية في العين السخنة.

راس سدر

راس سدر شواطئها صافية وهادية ورمالها ذهبية ناعمة، دة غير أنها بتضم حمامات وعيون مياه كبريتية طبيعية استشفائية، وتقدر فيها تمارس رياضة الغوص، والسفاري، وركوب الأمواج (كايت سيرفينج)، وزيارة أهم المعالم زي حمامات فرعون الشهيرة وقلعة الجندي وعين رأس سدر الكبريتية وعين وادي تراقي وعيون موسى، واهو منه يبقى قضيت شهر العسل وعملت رحلة علاجية.

 شرم الشيخ

 ودي من أوائل الأماكن السياحية اللي بيتوافد عليها العرسان في شهر العسل وغيرهم لأنها كانت من المراكز الأساسية للغوص وبتطل على البحر الأحمر، دة غير انها بتجمع ما بين الطبيعة الخلابة واحتوائها على وسائل الراحة والرفاهية المختلفة، لازم تزور خليج نعمة لأنه يعتبر من أهم مناطق الجذب هناك لأن فيه كل حاجة ممكن تحلم بيها زي المطاعم والكافيهات بكل أنواعها، وكافيهات، وأماكن للسهر وقعدات عربي وعروض استعراضية.

واكيد منطقة السوق القديم من الأماكن المميزة هناك لأن طرازها قديم وبيكون فيها محلات ومطاعم مصرية مميزة، دة غير انك ممكن تشتري منه هدايا لعيلتك وبأسعار هايلة.

اما سوهو سكوير فهتلاقي فيه بليل عروض استعراضية رائعة وحفلات تنورة وممكن كمان تتمشى في “الشانزليزيه”.

شرم الشيخ بتشتهر كمان بقرية التراث البدوي ودي بتتميز بحفاظها على الموروثات الثقافية البدوية وفيها كمان أماكن عائلية ومحلات تجارية ومسارح.

شهر العسل على شواطئ البحر المتوسط

 مرسى علم

على الرغم من أنها مدينة جديدة إلا أنها رائعة الجمال، وجذبت السياح ومحبي البحر الأحمر بشكل كبير علشان فيها معالم مميزة زي وادي الجمال، و ضريح أبو حسن الشاذلي، وجبل حماطة اللي بيتميز بوجود شجرة المانجروف النادرة والحيوانات البحرية.

شهر العسل في اسكندرية له طعم خاص

الاسكندرية من أحلى الأماكن اللي ممكن تروحها لو بتخطط أنك تقضي شهر العسل في مصر لأنها ثاني أكبر مدينة فيها، دة غير انها معروفة ب”عروس البحر المتوسط” أو “لؤلؤة المتوسط” بسبب حلاوتها وجوها الجميل وشواطئها الصافية.

وتقدر تزور فيها قصر المنتزه، وتروح شواطئ المعمورة، ومتحف المجوهرات الملكية، قلعة قايتباي، ومتحف الاسكندرية القومي، والمسرح الروماني.

لو هتتجوز في الشتا يبقى لازم شهر العسل يكون في اسوان

أسوان من أكتر البلاد اللي ممكن تتبسط فيها بجنوب مصر ودة لأنها بتجمع ما بين الجمال والبساطة في نفس الوقت، دة غير ان جوها دافئ و ناسها طيبين وجدعان.

في أسوان ممكن تقضي يوم في مركب على النيل، أوتقعد في مكان حلو وتستمتع بأجمل الأطعمة، وطبعًا لازم تقضي يوم في القرية النوبية وتشوف الألوان المبهجة لبيوت أهل النوبة وتصاميمها الجميلة اللي هتخليك تحس انك مش عايز تمشي من هناك.
واكيد هتستمتع بزيارة معالم أسوان زي معبد فيله، وباب الكلابشة، والصوت والضوء، ومتحف النوبة، وأنماليا، وجزيرة سهيل، ومتحف النيل، والسد العالي، معبد أبو سمبل، وكوم امبو، والجزر النيلية، وجزيرة النباتات، ورمز الصداقة، وحديقة الأميرة فريال.

 


التعليقات

ضعي تعليقَكِ هنا

التقيمات

;