طريقة عمل الفول بالطماطم .. فطار آخر الشهر "يسد ويشبع"

طريقة عمل الفول بالطماطم .. فطار آخر الشهر "يسد ويشبع"

الفول بالطماطم ، هو الأكلة الثلاثية الأبعاد، طعم جميل، أكل يشبع، وتوفير كتير، فلو كنتي في آخر الشهر، أوعايزة أكلة سريعة مفيدة وطعمها حلو ومميز على الفطار، أو كنتي من عشاق الفول وزهقتي من طريقة تحضيره الممله ستات.كوم هتقدملك في المقالة دي طريقة عمل الفول بالطماطم ، الاكلة المصرية الشهيرة ، طماطم وفول وبقدونس وبصل لطبق لذيذ على الفطار يشبع ويبسط .

طريقة عمل الفول بالطماطم

طريقة عمل الفول بالطماطم 

هتحتاجي  لـ طريقة عمل الفول بالطماطم شوية مقادير بسيطة موجودة في تلاجتك: بصلة كبيرة مبشورة + 3 وحدات طماطم مقطعة قطع صغيرة + حزمة بقدونس + 3 فصوص ثوم + 4 معالق زيت زيتون +ملح وفلفل وشطة أو فلفل أخضر حار مقطع حلقات ، وطبعًا متنسيش الفول المدمس نفسه .

طريقة عمل الفول بالطماطم بالخطوات

حطي طاسة على النار لحد ما تسخن ، ضيفي ليها زيت الزيتون وشوحي فيه البصلة لحد ما لونها يدبل، وبعد كده ضيفيلها الطماطم والثوم المفروم ، ومتنسيش تضيفي التوابل والملح والفلفل الأخضر وقلبي الخليط لمدة 3 دقايق، ضيفي الفول المدمس للخليط  بعد ما يتقل على النار، وفي النهاية ضيفي عصير الليمون وقلبي الخليط وصبيه في طبق التقديم وزيني الطبق بالبقدونس المفروم، وقدميه مع العيش الطازة .

طريقة عمل الفول بالطماطم نجلاء الشرشابي

لو كنت من عشاق الشيف نجلاء الشرشابي مقدمة برنامج على قد الايد المذاع على قناة سي بي سي سفرة،  وبتحبي الفول، اتعرفي على طريقة عمل الفول بالطماطم للشيف نجلاء الشرشابي اللي حضرته بسهولة وبطريقة مميزة.

مقادير طريقة عمل الفول بالطماطم للشيف نجلاء الشرشابي

كوباية فول مدمس

سمنة

طماطم مقطعة مكبعات

ثوم مهروم

خل وشطة

كمون وملح وفلفل أسمر

هريسة شطة

طريقة عمل الفول بالطماطم

خطوات طريقة عمل الفول بالطماطم نجلاء الشرشابي

شوحي الثوم في طاسة على النار بمعلقة سمنة، ولما يتغير لونه وتبدئي تشمي ريحته، حطي معلقة خل أبيض عليه، وبعد كده ضيفي الفل للسمنة والثوم، وبعد كده الطماطم المبشورة أو المقطعة قطع صغيرة والملح والفلفل الأسود والكمون والشطة  "هريسة الشطة"، وقلبي المزيج على النار وفي النهاية قدميه سخن في طبق متزين بالبقدونس وبالهنا والشفا .                       

مقالات مشابهة


التعليقات

ضعي تعليقَكِ هنا

التقيمات

;