طريقة عمل النجرسكو باستخدام بواقي الفراخ

آخر تحديث : الخميس ٢٩ أغسطس ٢٠١٩
بلغي عن مشكلة
وقت الطبخ 45 دقيقة
وقت التجهيز 10 دقيقة
الوقت الكلي 55 دقيقة

بنقدملك طريقة عمل النجرسكو باستخدام بواقي الفراخ الشهية من المطبخ الشرقي بوصفة سهلة وتقدري تعمليها فى اقل من 45 دقيقة. اعرفي مكونات ومقادير النجرسكو باستخدام بواقي الفراخ.جربيها وبالهنا والشفا

طريقة الطهي بشاميل
من المطبخ الشرقي
نوع الوصفة معجنات

مقادير النجرسكو باستخدام بواقي الفراخ

  • كيلو مكرونة قلم او شرايط على حسب الرغبة
  • 5 ملاعق كبيرة من دقيق
  • 2 ملعقة كبيرة من الزيت (اي زيت مش شرط نوع معين وممكن تستخدمي السمنة او الزبدة)
  • ¾ كيلو لبن
  • بواقي فراخ مسلوقة مقطعة مكعبات أو شرائح رفيعة على حسب رغبتك (يفضل ان تكون صدر فرخة لانه بيدي مزاق افضل)
  • 1 كوب خليط جبن موتزاريلا ورومى وشيدر أو أى انواع جبن لديكى
  • مكعب مرقة دقاق
  • ملح وفلفل (ابيض او اسمر) حسب الرغبة
  • توابل ( رشة قرفة، معلقة زعتر، ورقة لورا، ربع ملعقة صغيرة من الروزماري، ربع ملعقة صغيرة حبوب الحبهان المطحون، جوزة الطيب).
  • وممكن تضيفي زتون اسود مقطع شرائح ومشروم لو بتحبيهم

القيم الغذائية في النجرسكو باستخدام بواقي الفراخ لكل 250 جرام

سعرات 646
دهون 36
بروتين 43
كربوهيدرات 37
طريقة عمل النجرسكو باستخدام بواقي الفراخ

طريقة تحضير النجرسكو باستخدام بواقي الفراخ بالخطوات

    طريقة عمل بشاميل النجرسكو

    • اول حاجة في النجرسكو نجهز البشاميل الخاص بيها في كام خطوة بسيطة:شاركي مع ستات دوت كوم بوصفة عملتيها
    • جهزي قدر (حلة) على النار مع وضع الزبدة وبعد ذوبانها نضع الدقيق واحرصي على ان تكون النار هادئة.
    • استمري في تقليب الدقيق حتى تظهر رائحته واحذري ان يتحول لونه للاصفر الداكن لانه وقتها قد يعطي طعم ولون للبشاميل قد لا ينال استحسانك
    • ضيفي اللبن تدريجيًا مع التقليب المستمر حتى يصبح هناك قوم متماسك الي حد ما، وبالإمكان زيادة أو تخفيف كميّة الحليب حسب الكثافة المرغوبة، وسرعة التقليب تساعد على عدم تكتل الدقيق.
    • عندما يشتد الخليط قليلًا قومي بإضافة الجبنة المبشورة، والتوابل واطفئ النار واتركي البشاميل ليهدء قليلاً

    طريقة تحضير النجرسكو باستخدام بواقي الفراخ

    • جهزي حلة وامليها لنصفها مياه ورشه ملح ومعلقتين من الزيت وبعد غليان المياه نضع المكرونة ونتركها لمدة 10 دقائق
    • هتسلقي المكرونة لكن مش هتسيبيها تستوي بالكامل فقط نصف سوى
    • بعدها نصفي المكرونة ونتركها حتى تتخلص من اي مياه زائدة
    • سواء في حالة كانت الفراخ متبقية لديكي او ستجهيزينها من البداية ستقومي بتجهيز طاسة لتشويح الفراخ المتقطعة سواء مكعبات او شرائح مع بصلة صغيرة وتوابل لتعطي طعم افضل، مع امكانية وضع الفراخ بدون تشويح وذلك وفقًا لرغبتك في حالة الفراخ المتبقية في ثلاجتك اما في حالة عمل الفراخ من البداية ستجهزين شريحتين من صدور الفراخ الطازة وتتبليهم وتقطعيهم وتشوحيهم.
    • أضيفي 3/4 كميةالبشاميل على المكرونة وقومي بتقليبها جيدًا
    • جهزي صنية فرن او صنية بيركس مع دهنها بالسمن.
    • قومي بوضع نصف كمية المكرونة فى صينية الفرن ثم ضعي فيها قطع الدجاج ثم النصف الآخر المتبقي من المكرونة وأخيرًا كمية البشاميل المتبقية.
    • يمكنك اضافة المشروم والزيتون الاسود المقطع لتعطي مزاقًا افضل.
    • أدخلي صينية النجرسكو فرن حامي لمدة 35 دقيقة حتى يحمر وجهها وتنضج نضوجًا كاملًا.
    • اخرجيها من الفرن واتركيها 10 دقائق لتهدأ ومن ثم قطعيها وقدميها لاسرتك.



تكفي لـ 4 أفراد
التكلفة متوسطة
الصعوبة سهله
المكونات 10


كده قدمنالك طريقة عمل النجرسكو باستخدام بواقي الفراخ من ستات دوت كوم . ماتنسيش تقوليلنا رأيك في الوصفة لما تجربيها


التعليقات

ضعي تعليقَكِ هنا

التقيمات

مقالات مشابهة