طريقة عمل عمل الممبار زي المطاعم

طريقة عمل عمل الممبار زي المطاعم

آخر تحديث : الخميس ١٦ نوفمبر ٢٠١٩

وقت الطبخ 45 دقيقة
وقت التجهيز 45 دقيقة
الوقت الكلي 90 دقيقة

بنقدملك طريقة عمل عمل الممبار زي المطاعم الشهية من المطبخ الشرقي بوصفة سهلة وتقدري تعمليها فى اقل من 45 دقيقة. اعرفي مكونات ومقادير عمل الممبار زي المطاعم.جربيها وبالهنا والشفا

طريقة الطهي أخري
من المطبخ الشرقي
نوع الوصفة مقبلات

مقادير عمل الممبار زي المطاعم

  • 1 كيلو ممبار
  • 1.5 كيلو ارز
  • 1.5 كيلو طماطم
  • 0.5 كيلو لحم مفروم او ربع كيلو حسب الرغبه ومن الممكن عدم اضافة لحم مفروم
  • تلت كوب شبت فريش
  • تلت كوب بقدونس فريش
  • تلت كوب كزبره فريش
  • 2 معالق كبيرة صلصه (حسب الحاجة)
  • 2 بصله متوسطه ( واحدة هتقطعيها صغير والبصله التانية مبشورة )
  • 4 معالق كبيرة زيت
  • خل
  • 1 راس ثوم
  • بهارات خلطة الممبار ( ملح / فلفل / كمون / شطة / بهارات لحمة / بابريكا )
  • بهارات ماء السلق ( ملح / فلفل / ورق لورا / كمون / حبهان / قرنفل / عود قرفة / مستكة )

القيم الغذائية في عمل الممبار زي المطاعم لكل 250 جرام

سعرات 417
دهون 12
بروتين 7
كربوهيدرات 71
طريقة عمل عمل الممبار زي المطاعم

طريقة تحضير عمل الممبار زي المطاعم بالخطوات

    تحضير الممبار للحشو:

    • اغسلي الممبار كويس من جوه ومن بره وياريت تكحيه بالسكين عشان يزيل اي اوساخ موجودة فيه وقطعيه حتت صغيرة كل حته حوالي 10 سم وانقعيه من نص ساعة لساعة في مياة بخل وملح وليمون عشان يشيل اي ريحة فيه وبعد النقع اغسليه كويس وحطيه في مصفاة عشان تتخلصي من اي مياة موجودة فيه

    تجهيز خلطة حشو الممبار:

    • اغسلي الارز وصفيه كويس جدا
    • إخلطي الارز مع الشبت والبقدونس والكزبرة بعد ما تقطعيهم كويس
    • حطي البصلة المبشورة عليهم
    • حطي البصلة المتقطعة في طاسة على النار مع الزيت لحد ما تصفر وبعدين ضيفي اللحمة المفرومة وسيبيها تستوي وبعد ما تستوي ضيفيها للخليط.
    • سبكي الصلصة عن طريق تقطيع كيلو الطماطم وعصره في الخلاط
    • وبعدها تحضري حلة صغيرة وتسخني فيها شوية زيت وتقلي بصلة صغيرة لحد ما تصفر وتحطي الصلصة عليها وتسيبها لحد ما تتسبك.
    • ساعتها هتضيفي الصلصة المتسبكة على الخلطة وتقلبيهم في بعض
    • وفي النهاية ممكن تضيفي معالق الصلصة الجاهزة حسب حاجتك
    • اخلطي المكونات كلها مع بعض مع اضافة البهارات

    طريقة التحضير

    • ضعى مياة في حلة على النار وضيفي ليها البهارات الخاصة بالسلق اللي سبق وحضرتيها
    • في الوقت ده احشي الممبار بس احشيه بمقدار معقول مش كتير عشان ممكن لو حشيتيه كتير يفرقع في المياه لما يستوي
    • بعدالغليان ضعى فيها الممبار بس واحدة واحدة مش كله مرة واحد ساعة الا تلت
    • وبعد ما يستوي خرجي الممبار بسرعه من المياه
    • ثم يوضع على النار في طاسة زيت ومعلقه سمنه ويحمر على نار متوسطه من من جميع الجهات وبالهنا والشفا


تكفي لـ 4 أفراد
التكلفة بسيطة
الصعوبة سهله
المكونات 15


كده قدمنالك طريقة عمل عمل الممبار زي المطاعم من ستات دوت كوم . ماتنسيش تقوليلنا رأيك في الوصفة لما تجربيها


التعليقات

ضعي تعليقَكِ هنا

التقيمات

مقالات مشابهة