عدد الوجبات اليومية

عدد الوجبات اليومية

آخر تحديث : الجمعة ١٥ يوليو ٢٠١٩

عدد الوجبات اليومية ،هو أحنا ينفع ننزل الصبح من غير وجبة فطار؟، الحقيقة لأ، وجبة الفطار في خلال 3 ساعات من الاستيقاظ مهمة جداً، لأن هي دي اللي بتشغل الحرق من أول اليوم ما يبدأ.

عدد الوجبات اليومية

كم عدد الوجبات اللي لازم ناكلها في اليوم؟

الحقيقة أنه الجسم لازم يدخله أكل كل تلات ساعات عشان نحفز الحرق، وأي نظام غذائي صحي بيتكون من 5 وجبات يومياً، فطار وغداء وعشاء، ووجبتين سناك في النص. ووجبة السناك مهمة جداً حتى لو مش جعانة، لأن وجبة السناك بتعلي الحرق، يعني الجسم لما بيدخله أكل هيحرقه بسرعة عشان هيدخله أكل تاني بعد 3 ساعات، لكن لو الجسم مش شغال طول اليوم هيفضل نايم، مفيش أي حرق لحد ما تدخله الوجبة الوحيدة بالليل، وطبعاً بتكون أكبر وجبة ومليانة دهون وأملاح الجسم بيخزنها كلها. المشكلة دي بيعاني منها أكتر الرجالة بينزلوا الصبح من البيت من غير فطار، وبيرجع ياكل وجبة الغداء الأساسية الساعة 9 أو 10 بالليل، وبتكون أكبر وجبة وبينام بعدها. الجسم ذكي جداً، وعارف أنه تاني يوم مش هيشوف أكل لحد بالليل، فيبدأ الجسم يخزن الوجبة دي بالكامل، وميحرقش منها حاجة، ومعدل الحرق طول النهار بيكون قليل جداً، لأنه طبعاً مدخلش أي أكل الجسم، فالجسم بيخزن وجبة بالليل عشان يحافظ على بقائه. نحاول قدر الإمكان أننا ننظم مواعيد الأكل في أوقات ثابتة وعلى أكتر من وجبة، وكميات الأكل كمان تكون مظبوطة، لأن الأكل له تأثير مهم جداً على الصحة.


التعليقات

ضعي تعليقَكِ هنا

التقيمات

مقالات مشابهة