طرق علاج البقع البنية في الجسم "الجزء الثاني"

طرق علاج البقع البنية في الجسم "الجزء الثاني"

قبل ما بيتم استخدام الليزر في علاج البقع البنية أو بيتم تحديد أسباب البقع دي أيه، ثانياً مستواها في الجلد، وعمق الطبقات اللي واصلة لها، هل هي سطحية أو عميقة شوية، عشان على أساسها بنحدد نوع الليزر اللي يقدر يوصل لها، من غير ما يحصل التهابات في المنطقة اللي حولها.

كمان مهم نحدد درجة لون الصبغة هل هي بني غامق أوي مايل لأسود، ولا لون فاتح "كافيه أوليه"، كل ده بيخلينا نختار نوع الليزر الأنسب.

 

أنواع الليزر المستخدمة في علاج البقع البنية

 

الكيو سويتش ليزر

وده نوع من الليزر مدة التعرض له بتكون قليلة، وهو الليزر السريع، وبيستخدم في إزالة التاتو بجميع أنواعه، وبقينا بنستخدمه في إزالة الصبغات اللونية، وبنعاملها كأنها تاتو.

وبالفعل نجح الليزر ده في إزالتها، ونتائجها ناجحة وثابتة، وما بترجعش تاني، وبيستخدم أكتر في البقع الفاتحة أو البقع السطحية.

 

بلس داي ليزر

وده نوع الليزر اللي بيستخدم في إزالة كل ما لونه أحمر، وممكن بتقنية معينة اقدر استخدم الليزر ده في إزالة اللون البني.

والليزر ده متخصص في إزالة البقع اللونية على طبقات أعمق من الجلد، زي البقع اللونية اللي بتظهر على شكل نقط صغيرة مع التقدم في السن.

 

الفراكشنال الليزر

الليزر المجزئة أو الفراكشنال ليزر نقدر من خلاله برده أننا نوصل للبقع اللي تحت أكتر، ولازم نكون حريصين جداً في استخدامه، لأن لو زودنا درجته ممكن يوصلنا لنتيجة عكسية زي الالتهاب، والالتهاب ده لما يخف هيسيب لون بني مكانه.

مقالات مشابهه


التعليقات

ضعي تعليقَكِ هنا

التقيمات

;