تعرفي على أهمية فيتامين سي

تعرفي على أهمية فيتامين سي

آخر تحديث : السبت ١٧ يوليو ٢٠٢٠
بلغي عن مشكلة

فيتامين سي يعتبر واحد من أهم مضادات الأكسدة، ولازم كلنا نبقى فاهمين أحنا محتاجين جرعات قد إيه من فيتامين سى.

الجرعة اليومية لـ فيتامين سي

الشخص البالغ بيحتاج جرعة يومية من فيتامين سى تبلغ من 350-500 ملي جرام من فيتامين سى، وفيتامين سى من الفيتامينات اللي بتدوب في المياه، يعني منقلقش من أي جرعة زيادة ممكن ناخدها، لأنها هتخرج بشكل طبيعي جداً من الجسم عن طريق البول. يعني فيتامين سى وفيتامين بي من 1-12 كل دول بيدوبوا في المياه، يعني مفيش أي قلق أو أي خطورة خالص من أي جرعات زيادة بتاخدوها على مدار اليوم. وأقراص فيتامين سى اللي بتتباع في الصيدلية بيحتوي القرص الواحد منها على جرعة بتوصل لـ 1000 ملي جرام، ودي تعتبر جرعة كبيرة جداً، عشان كدة بننصح أنك تاخدي فيتامين سى من مصادر طبيعية بالجرعات المناسبة خلال اليوم، أو ممكن تكسري القرص النصين، وتاخدي نصف قرص بس في اليوم، عشان تحصلي على الجرعة المطلوبة. لأن لما بناخد جرعة كبيرة يومياً من فيتامين سى ونخفضها بعد كدة بيحصل نزيف للثة، زي الاسقربوط الوهمي، وأنتي مش بيكون عندك اسقربوط ولا حاجة.

مصادر فيتامين سي

فيتامين سى موجود في حاجات كتير في أكلنا تغنينا تماماً عن الأقراص المكملة، من أشهر الحاجات دي:شاركي مع ستات دوت كوم بموضوعاتك

  • البرتقال واليوسفي
  • الجوافة، وهي غنية جداً بفيتامين سي، وأكتر كمان من البرتقال
  • الليمون
  • البروكلي والفلفل الأخضر من أكتر أنواع الخضار الغنية بفيتامين سي.

نحاول على قد ما نقدر أننا ناخد فيتامين سى بصفة يومية للحفاظ على صحة الشعر والجلد وبيخليه مشدود أطول فترة ممكنة، وأطباء الجلدية بينصحوا باستخدام كريمات بتحتوي على فيتامين سي، بس أهم حاجة أن الاستخدام يكون بالجرعة المتحددة يومياً.


التعليقات

ضعي تعليقَكِ هنا

التقيمات

مقالات مشابهة