كيفية إنقاص الوزن بعد رمضان

كيفية إنقاص الوزن بعد رمضان

إنقاص الوزن بعد رمضان ، في سؤال كلنا بنسأله إزاي نرجع لنظام حياتنا الطبيعي بعد رمضان؟ بعد رمضان بنلاقي نفسنا مش قادرين نصحى نفطر، ومواعيد الفطار بتتأخر، ومواعيد الغداء مش قبل الساعة 5 أو 6، والعشاء متأخر وفيه سهر.

إنقاص الوزن بعد رمضان

أكتر مشكلة بتواجهها ضبط كميات ومواعيد الأكل، نحاول نرجع لنظام حياتنا الطبيعي بسرعة جداً، يعني لما بنبقى مسافرين مثلاً الساحل مدة طويلة بنبقى متعودين نقوم من النوم متأخر، ونفطر متأخر على الساعة 12-1، وبنتغدى كمان على الساعة 7-8، وبنتعشى أكل دسم على 2-3 بالليل، دي نفس المشكلة اللي بتواجههنا بعد رمضان. وأكتر وجبة بتواجههنا مشكلة فيها هي وجبة العشاء، كل لما تتأخر والحجم بتاعها يزيد المعدة بتوسع، لأن الوجبة دي مبتتحرقش تقريباً، يعني أنا لو صحيت الساعة 6 الصبح، من 6 لـ 6 الحرق شغال، من 6-8 الحرق بيقل، بعد 8 الحرق معدوم خالص، ووجبة العشاء لما بتتأخر بتتخزن بالكامل في الجسم على هيئة دهون. لازم نظبط مواعيد وجبة العشاء خصوصاً، عشان نحافظ على وزننا، ولازم نرجع نصغر معدتنا تاني بأننا نظبط كميات الأكل بعد ما كنا بناكل براحتنا في رمضان، ونحاول نسيطر على الوزن اللي اكتسبناه في رمضان بدل ما يزيد أكتر بعد رمضان، لأن ضبط الكمية الصغيرة أسهل بكتير من ضبط الكمية الكبيرة.

فيديو إنقاص الوزن بعد رمضان

مقالات مشابهة


التعليقات

ضعي تعليقَكِ هنا

التقيمات

;