كيفية الاهتمام بصحة أسنان الأطفال

كيفية الاهتمام بصحة أسنان الأطفال

آخر تحديث : الجمعة ٢٤ يوليو ٢٠٢٠
بلغي عن مشكلة

أمهات كتير بتسأل عن أسنان الأطفال وامتى المفروض تودي طفلها عند دكتور الأسنان، وامتى أسنان الأطفال بتحتاج العلاج عند دكتور الأسنان، وهل الأسنان اللبنية بتحتاج علاج أصلاً. الحقيقة المفروض أنك تهتمي بأسنان طفلك وعلاجها من أول سنة بتطلع في بوق الطفل.

معنى الاهتمام بأسنان الأطفال؟

لازم تعرفي كويس أن من الأسباب الأساسية اللي بتعرض أسنان الأطفال للتسوس هي الرضاعة قبل النوم، وتعتبر من أكتر الحاجات اللي بتضر بصحة الأسنان. وفيه أمهات بتقول طب وأعمل أيه وأنا ابني مش بينام غير لما يكون بيرضع الأول؟، في الحالة دي بعد ما ينام ويخلص رضاعة هاتي شاش أبيض مبلول بالمياه، ولفيه على صباعك، ومرريه على أسنان طفلك عشان تشيلي الطبقة اللي تراكمت على الأسنان بعد الرضاعة.

امتى تعالجي أسنان الأطفال؟

لما ابنك يكبر شوية ويكون عاقل وفاهم يعني أيه نروح عند دكتور الأسنان، ابدئي وديه عند الدكتور في زيارات دورية من قبل ما يكون فيه مشكلة، عشان تتأكدي من صحتها، وعشان يتعود على دكتور الأسنان، وميبقاش خايف منه، وبلاش أنتي تخوفيه وتقولي له دكتور الأسنان هيديك حقنة، عشان تشيلي حاجز الخوف من دكتور الأسنان اللي بيفضل موجود معاه لحد ما بيكبر. وكتير من الأمهات بتقول ما الأسنان دي كلها هتبدل، الحفاظ على الأسنان اللبنية بيحافظ لك على الأسنان الدائمة، لأنها بتحافظ على المكان الطبيعي اللي هتطلع فيه الأسنان الدائمة، والأسنان الدائمة دي اللي هتستمر معانا من أول ما يكون عندنا 6 سنين لحد ما نكبر. فالحفاظ على اسنان الأطفال وعلاجها بيبدأ من وهما رضع مع أول سنة بتطلع في بوق الطفل، وبتستمر مع تبديل الأسنان اللبنية مع الأسنان الدائمة اللي هتفضل معانا على طول. شاركي مع ستات دوت كوم بموضوعاتك

امتى تعالجي أسنان الأطفال؟

لما ابنك يكبر شوية ويكون عاقل وفاهم يعني أيه نروح عند دكتور الأسنان، ابدئي وديه عند الدكتور في زيارات دورية من قبل ما يكون فيه مشكلة، عشان تتأكدي من صحتها، وعشان يتعود على دكتور الأسنان، وميبقاش خايف منه، وبلاش أنتي تخوفيه وتقولي له دكتور الأسنان هيديك حقنة، عشان تشيلي حاجز الخوف من دكتور الأسنان اللي بيفضل موجود معاه لحد ما بيكبر. وكتير من الأمهات بتقول ما الأسنان دي كلها هتبدل، الحفاظ على الأسنان اللبنية بيحافظ لك على الأسنان الدائمة، لأنها بتحافظ على المكان الطبيعي اللي هتطلع فيه الأسنان الدائمة، والأسنان الدائمة دي اللي هتستمر معانا من أول ما يكون عندنا 6 سنين لحد ما نكبر.


التعليقات

ضعي تعليقَكِ هنا

التقيمات

مقالات مشابهة