لكي سيدتي .. مظهر انيق بأقل تكلفة

لكي سيدتي .. مظهر انيق بأقل تكلفة

اكسبي مظهر انيق بأقل تكلفة

الحصول على مظهر انيق بأقل تكلفة هو حلم اي بنت وتتمنى يكون عندها مظهر جذاب بدون ما تصرف كتير عليه ومعظم البنات بتعتقد ان عشان شكلها يبقى حلو من خلال اللبس يبقى هتصرف كتير ولكن انهاردة  ستات.كوم  هتقولك على طرق هتساعدك تكوني جذابة بمبلغ بسيط

 

اولاً عليكي الاهتمام بمظهر شعرك وان تختاري قصة الشعر المناسبة لوجهك وضعي مكياج بسيط ولا يلفت الانتباه بشكل كبير

ثانيًا من البديهي ان تحافظي على نظافة اسنانك واظافرك.

ثالثًا احرصي على ارتداء ملابس نظيفة وغير مجعدة، واكيد لازم تنتبهي لاهمية تلميع الحذاء قبل الخروج من المنزل، من أجل الحصول على إطلالة أنيقة.

ازاي تشتري لبس بمبلغ بسيط

 

خليكي ذكية واختاري الوقت المناسب اللي تقدري تشتري فيه لبسك بسعر اقل، ومن الطبيعي ان اوقات التخفيضات وغالبًا ما تكون بنهاية الموسم هي المعاد الانسب لشراء الملابس، ومعظم الماركات العالمية تطرح ملابسها بسعر قليل وتخفيضات تصل ل 70%، واختاري الملابس التي تناسب مواسم كتير وليس فقط الملابس التى تتبع موضة معينة.

 

احرصي على وجود القطع الاساسية بدولابك

 

لازم يكون عندك في دولابك قطع اساسية زي الجينز الكحلي والاسود والقميص الابيض والاسود برضه بالاضافة لبعض القطع للمناسبات المختلفة خصوصًا لتلك الرسمية لمقابلات العمل او فستان للسهرات، وابتعدي عن الالوان الصارخة التي ترتبط بموضة معينة، والقميص الجينز او الكتان هيكون شئ اساسي عندك لانه بينفع في كل المناسبات مع اعطائه الاكسسوارات اللازمة، وبالطبع الاحذية والشنط ذات الالوان التي يمكن استخدامها مع اكثر من طقم

 

محبي الملابس المستعملة

 

بعض الفتايات لديهن هواية الانتقال بين محلات الملابس المستعملة لأنها احيانًا تحتوي على قطع من الملابس العالمية بمبالغ زهيدة للغاية وعن طريقها تقدري تحلصي على مظهر انيق بأقل تكلفة.

 

مظهر انيق بأقل تكلفة من مواقع التواصل الاجتماعي

 

منتشر حاليًا على مواقع التواصل الاجتماعي والانترنت فيديوهات لبلوجرز من البنات اللي تقدر تساعدك تحصلي على مظهر انيق بطرق بسيطة ومش مكلفة على الاطلاق وكمان تقدري منها تتعرفي على تجارب بنات تانية في اللبس وممكن تشوفي اسلوب كل بنت في طريقة لبسها وتختاري اللبس اللي هيليق على طبيعة جسمك وتجربيه.

 

اضيفي قطع بسيطة لملابسك لتبدو اكثر تميزًا

ممكن لو كنتي لابسة قميص بسيط على بنطلون جينز تدمجي معاهم حزام جلد وحذاء جذاب هيخلي مظهرك يبان اشيك واغلى سعرًا مما يبدو عليه، وفي الوقت ذاته احرصي على اختيار الاكسسوارات المميزة والتي وتناسب مظهرك فلا تررتدي قلادة طويلة على قميص مفتوح الصدر.

 

نصائح لمظهر انيق بأقل تكلفة

 

  • اوعي تلبسي قميص في الوان مشجرة على جيبة او بنطلون مشجر، وفي نفس الوقت لو هتلبسي مشجر متلبسيش معاه اكسسوار
  • لو وزنك زايد احرصي على ارتداء الملابس ذات الخطوط الطويلة والنقوش البسيطة
  • لو كنتي محجبة اختاري حجاب بسيط ونظيف وذو الوان هادئة تناسب لون بشرتك وابتعدي عن اللفات الكبيرة للطرحة ولبس اكتر من طرحة فوق بعض واكتفي بواحدة بس
  •  اسألي اصحابك قبل ما تشتري عن رأيهم في الملابس المتاحة وممكن كمان يكونوا معاكي وقت شرائك لملابسك
  • اختاري اللي يناسب شخصيتك وابعدي عن الموضة اذا كانت لا تبرز جمالك
  • اعيدي استخدام ملابسك القديمة بعد اعادة تدويرها يعني مثلا لو عندك قميص جينز ذو اكمام طويلة ممكن تقصيه وتقصريه وتلبسيه فوق التي شيرتات وهيديكي مظهر جديد ومختلف

 


التعليقات

ضعي تعليقَكِ هنا

التقيمات

;