نصائح لـ تتبيل البانيه وقليه

نصائح لـ تتبيل البانيه وقليه

آخر تحديث : الإثنين ٢٠ سبتمبر ٢٠١٩

بنقدملك من مطبخ ستات دوت كوم مجموعة من النصائح اللي لازم تاخدي بالك منها كويس جداً عند تتبيل البانيه وقليه، واللي هتسهل عليكي في المطبخ وتخلي أكلك مظبوط.


قلي البانيه


عند قلي البانيه لازم تحطيه في الأول في الدقيق قبل ما تحطيه في البيض والبقسماط، لأنه بيخلي البانيه ميشربش زيت خالص، كمان لو حطينا على الدقيق بهارات زي "ملح وفلفل وتوم بودرة وبصل بودرة" ممكن يدي البانيه طعم مختلف، طبعاً غير التتبيلة الأساسية اللي اتعمل فيها البانيه.


ممكن نزود البهارات دي كمان على البيض أو البقسماط هيفرق بشكل كبير في الطعم، وممكن كمان نحط البيض على باقي التتبيلة عشان ياخد من التوابل بتاعتها.


كمان أهم حاجة في البانيه أن بعد ما نحطه في البقسماط نسيبه في التلاجة شوية، لأنه بيخليه طبقة البقسماط تثبيت في البانيه، ومتتشالش منه ساعة القلي.


تتبيل البانيه


الأحسن أننا بعد ما يتم نتبيل البانيه نحطه في التلاجة لحد تاني يوم عشان يتشرب التتبيلة، لو مش مستعجلة عليه، وممكن تحطي البانيه في تتبيلة فيها لبن رايب أو فيها زبادي، بيخلي البانيه نفسه يكون طعمه طري جداً، ومش ناشف خالص، ويستوي بسرعة.


ممكن البانيه تحطي في التتبيلة والبقسماط وتخزينه في الفريزر، ووقت ما تحتاجيه تطلعيه وتقليه على طول.


التعليقات

ضعي تعليقَكِ هنا

التقيمات

مقالات مشابهة