هدايا عيد الحب للمتزوجين

هدايا عيد الحب للمتزوجين

آخر تحديث : الأحد ٢٦ يناير ٢٠٢٠
بلغي عن مشكلة

كلها أيام ويهل علينا عيد الحب، لو متجوزة ومش عارفة تجيبي لجوزك إيه، "ستات دوت كوم" هتقولك أحسن هدايا عيد الحب للمتزوجين في سنة 2020 ولكل السنين كمان، أفكار جديد ومبتكرة، والهدية هتكون مختلفة.

تتسابق المحلات التجارية والمتاجر المختلفة على عرض هدايا عيد الحب المتنوعة، لكن في الأغلب بيكون سعرها غالي كتير، ومع الظروف الاقتصادية الصعبة اللي بنمر بيها كلنا، هنقولك أفكار مش هتخطر على بالك، وهتفرح جوزك جدًا، وهتكون حاجة مختلفة.

خلينا في الأول نتفق أنك علشان تختاري الهدية المثالية لزوجك، لازم تاخدي بالك إيه اللي ناقصه بالظبط وهو محتاجه بشكل كبير، ممكن تكون حاجة معينة في نفسه عايزها من زمان ومش عارف يجيبها، في الحالة دي هتكون أنسب هدية في الفلانتين، مع بوكيه ورد جميل باللون الأحمر، وورقة صغيرة تكتبي فيها قصيدة حلوة وتتمني أنكوا تكونوا مع بعض على طول.شاركي مع ستات دوت كوم بموضوعاتك

هدايا عيد الحب للمتزوجين الدبدوب الأحمر

هدايا عيد الحب للمتزوجين

من هدايا عيد الحب للمتزوجين الدبدوب الأحمر فتعتبر هدية تقليدية لكنها كلاسيكية بترمز لعيد الحب أو الفلانتين، على الرغم من إنها تعتبر هدية قديمة، لكنها مازالت الأكثر استخدامًا في عيد الحب، وهي عبارة عن دبوب أحمر حجمه بيكون على حسب الميزانية بتاعتك، ومع تقدم الوقت بقى فيه أشكال وألوان من الدباديب، بس الدبوب الأحمر الجميل بيكون له إحساس مختلف، عشان كدا لو جوزك راجل بيحب الحنين للماضي، هتكون دي الهدية المثالية ليه.

الساعة والبرفان

كما أن من هدايا عيد الحب للمتزوجين الساعة أو البرفان حيث أنه هدية جديدة مناسبة جدًا لعيد الحب، وهي هدية الساعة الجديدة الشيك، وكمان معاها علبة برفان بيحبها زوجك، دي هدية الرجالة كلها بتحبها حتى لو عنده 10 ساعات هيكون سعيد جدًا بالهدية دي، لأنه هيحتاج يستخدمها بشكل كبير، وبالتأكيد كل مايستخدمها هيفتكرك على طول.

البرفان كمان حاجة مميزة ومعروفة من زمان في موضوع هدايا عيد الحب، وبيتميز أنه مش مكلف، كل اللي عليكي أنك تعرفي زوجك بيحب أي نوع من العطور، وتشتريه، مع كارت معايدة مكتوب فيه كلمتين حلوين، هتكون هدية حلوة جدًا.

لوحة الذكريات

من هدايا عيد الحب للمتزوجين لوحة الذكريات فإنها هدية مش مكلفة أبدًا، وبتبقى هدية حلوة جدًا والكل هيفرح بيها طبعًا، ودي عبارة لأحلى الصور اللي جمعتك أنتي وزوجك، هتجيبي الصور دي، وعلى ورق مقوى أبيض، وتبدأي تلزقي الصور على الورق، وبعدين باستخدام الأقلام الملونة هتكتبي عيد حب سعيد، وكمان ممكن تبروزيها في برواز حلو هيخلي زوجك في قمة السعادة.

الرجال في الغالب بيحبوا جدًا الذكريات، ولما تكون مجموعة الذكريات الجميلة دي قدامه بشكل كبير هيبقى مبسوط دايمًا بيها، وهيحاول دايمًا أنه يخلق أوقات جديدة سعيدة علشان يكرر نفس البرواز بس في السنة الجديدة، ودي هدية حلوة جدًا وكمان مش مكلفة أبدًا وبتفكركوا بالماضي الجميل بعيد عن أي مشاكل حصلت فيه.

هدايا عيد الحب للمتزوجين عند الرجال

هدايا عيد الحب للمتزوجين

في الفقرة دي هنقولك بعض الاختيارات اللي ممكن تشتريها هدية لزوجك في عيد الحب، وهي عبارة عن أدوات مستلزمات بتستخدمها كل الرجالة ومنها ما يلي:

  • رابطة العنق مع دبابيس البدلة الأنيقة.
  • جاكيت جديد بمناسبة موسم الشتاء.
  • فرشاة أسنان كهربائية.
  • أدوات حلاقة الدقن.
  • محفظة مصنوعة من الجلد المميز وتكون جذابة للعين.
  • شنطة جديدة يقدر يستخدمها وهو رايح الشغل أو شنطة للاب توب.
  • ماكينة حلاقة كهرباء.
  • بيجامة جديدة ومش شرط يكون لونها أحمر، من الجميل أنك تجيبيها أكتر لون جوزك بيحب يلبسه.
  • مجموعات شامبو ومزيل عرق.
  • حذاء رياضي شيك.
  • ولاعة قيمة في حالة أن زوجك كان من المدخنين.
  • ممكن كمان لو مش عارفه تختاري إيه بالظبط من الحاجات دي، ممكن تطلبي منه أنكوا تتقابلوا بره اليوم دا، وتعزميه على مطعم، وبعدها تقعدوا على البحر مع مجموعة من الأغاني الرومانسية اللي هتخليه سعيد.

بعد أن أنتهينا من الهدايا اللي ممكن تهديها لزوجك في الفلانتين، هننتقل إلى نوع تاني من الهدايا وهو الهدايا اللي زوجك ممكن يجبهالك، مع التأكيد على نفس الفكرة في أنه من الأفضل أنك تعرف زوجتك محتاجه إيه بالضبط وتشتريه لأنها هتكون أنسب وأسعد هدية ليها.

الورد

هدايا عيد الحب للمتزوجين

يعتبر الورد الأحمر والأبيض من الهدايا المميزة للنساء خاصة في عيد الفلانتين، فعلى الرغم من أنها هدية غير مكلفة على الإطلاق، إلا أن أغلب السيدات بتكون دايمًا في حاجة ماسة إلى لحظات رومانسية مع زوجها وبتبحث عن كل طرق الرومانسية علشان تنفذها، بالتأكيد الورد الأحمر ليه سحر على الزوجة وهيخليها سعيدة جدًا باللحظة دي.

المصوغات والمجوهرات

هدايا عيد الحب للمتزوجين

حلق أو قلادة أو خاتم، مش شرط تكون من الذهب أو أي نوع غالي من المجوهرات، حتى لو مصنوعة من الفضة، أو حتى ذهب صيني هتكون هدية مميزة جدًا لزوجتك في عيد الحب، هيكون عندها شعور داخلي رومانسي وجميل في أنه على الرغم من كل اللي بتواجه من مشاكل الحياة أنك افتكرتها في اليوم دا وجبتلها حاجة تقدرها تلبسها قدام الناس وتكون فرحانة إنها منك.

مستحضرات التجميل

كل النساء دايمًا بتكون هدية مستحضرات التجميل بأنواعها كلها وأشكالها هدية محبوبة جدًا، حتى إذا كان لديها العديد من المستحضرات هذه، فهي دائمًا تحب التجديد، فمن الممكن أن نقوم بشراء صندوق خشبي صغير، ونرسم عليه مجموعة من القلوب بالأقلام العادية أو نحفره بمسمار عادي، ونضع بداخله قلم روج، أو أي نوع تاني من أنواع المكياج، مع الاهتمام دايمًا بمعرفة الأنواع المفضلة لزوجتك وكمان الألوان اللي هي بتحبها، هتكون هدية حلوة جدًا، وهتفتكرك دايمًا كل أما تستخدمها.

الشيكولاتة

هدايا عيد الحب للمتزوجين

هدية الشيكولاتة بتعتبر واحدة من أكثر الهدايا التي تدخل نوع من أنواع الرومانسية والسعادة على قلب زوجتك، فمن المعروف أن الشيكولاتة من أحد الأشياء التي تسبب السعادة.

شهدت الفترة الأخيرة العديد من الِأشكال الخاصة بهدايا الشيكولاتة، سواء كانت على شكل زجاجة أو على أي شكل أخر كانت، ستكون هذه هدية جميلة وستسعد زوجتك بها بالتأكيد.

هدايا عيد الحب للمتزوجين عند النساء

هدايا عيد الحب للمتزوجين

هنقولك مجموعة من هدايا عيد الحب للمتزوجين بشكل متنوع فيما يلي، تقدر تختار منه مايناسب زوجتك، وكمان هنطرح عليك أفكار هدايا جديدة وجميلة، بتفرح بيها أغلب النساء، ومنها:

  • شال من الصوف أو الفرو أو النوع المحبب لها، بمناسبة فصل الشتاء.
  • ساعد يد ونوع البرفان الذي تفضله زوجتك.
  • مستلزمات الاستحمام داخل صندوق خشبي أو كارتوني من سائل استحمام، شامبو، ومرطبات تستخدمها زوجتك.
  • حلق من الفضة على شكل قلب صغير.
  • الدب الأحمر أو الأبيض صغير الحجم.
  • ميدالية مفاتيح فاخرة.
  • أطقم العناية بالبشرة والشعر.
  • حقيبة أنيقة ومعها حذاء شيك شرط أن يكون لونه من الألوان المفضلة لدى زوجتك.
  • كارت الحب المصنوع يدويًا، وهتكون هدية مميزة لأنها هتعرف أنك تعبت فيها.
  • رسائل الحب المتنوعة داخل زجاجة تشبه زجاجة رسائل البحر التي كانت تستخدم في الماضي.
  • مج حراري مرسوم به صورة تجمعك أنت وزوجتك في ذكرى سعيدة.
  • جهاز كهربائي زوجتك تحتاج إليه مثل الميكرويف أو أي جهاز كهربائي أخر يسهل أعمالها اليومية.
  • من الممكن أن تعطي لها مبلغ من المال إذا كانت زوجتك ربة منزل، وهي يكون لها حرية التصرف فيه، إما إدخاره، أو شراء به أي شاء تريد شراءه من زمن.

هذه كانت أنسب هدايا عيد الحب للمتزوجين سواء كانت للرجال أو النساء، ستسعدون بها جميعًا، ونتمنى لكم قضاء الفلانتين معًا دائمًا في جو يملأه الرومانسية والحب.


التعليقات

ضعي تعليقَكِ هنا

التقيمات

مقالات مشابهة