10 استخدامات لا تتوقعيها للزجاجات البلاستيك

10 استخدامات لا تتوقعيها للزجاجات البلاستيك

آخر تحديث : الخميس ١٠ مارس ٢٠١٩

دائماً البيت بيكون مليان بـ زجاجات البلاستيك الفاضية سواء كانت بتاعت مياه أو مشروبات غازية أو شامبوهات، وبنبقى عارفين نستفاد منها في إيه، وبنضطر في أحيان كتير أننا نرميها ونتخلص منها. الزجاجات البلاستيك ممكن نستفاد منها في حاجات كتير غير أننا نستخدمها في تخزين المياه، وخصوصاً أن البلاستيك مش بيتحلل بسهولة، وبيستحمل عوامل الجو، وكمان يعتبر مادة مرنة جداً تقدري تشكليها بسهولة. وبنقدملك مجموعة من الأفكار هتساعدك إزاي تستخدمي زجاجات البلاستيك في حاجات عمرها ما كانت تخطر على بالك.

1- مقلمة

ممكن تستخدمي الزجاجة البلاستيك في عمل مقلمة لأولادك، كل اللي هتحتاجيه زجاجتين بلاستيك، هتقطعي طرف العلوي لزجاجة منهم، وهتلزقي عليها سوستة، وهتربطي بينه وبين الطرف السفلي للزجاجة التانية بنفس السوستة. زجاجات البلاستيك

2- علب تخزين

تقدري تستخدمي الزجاجات البلاستيك كعلب تخزين في المطبخ للمكرونة والبقوليات وغيرها، هتحتاجي زجاجتين، زجاجة هتقطعي منها الطرف العلوي، والزجاجة التانية هتستخدمي الطرف السفلي منها. https://www.youtube.com/watch?v=T6rS0sN6C0g وممكن تزيني الزجاجة وترسمي عليها أشكال عشان تليق مع ديكور المطبخ. زجاجات البلاستيك

3- حصالة

مش محتاجة تشتري حصالة لأولادك، لأنك ممكن تعملي حصالة من زجاجة بلاستيك بكل سهولة، كل اللي عليكي أنك تعملي ثقب بحجم مناسب للعملات في جسم الزجاجة، وتقدري تخرجي الفلوس من الزجاجة من خلال الغطاء بتاعها. زجاجات البلاستيك

4- حامل ورق ومجلات

ملازم وأوراق الأولاد وكمان المجلات المنتشرة في كل حتة في البيت دلوقتي هتقدري تجمعيها في مكان واحد، لأنك هتعرفي بكل سهولة تعملي حامل للورق والمجلات من الزجاجات البلاستيكية. هتحتاجي كذا زجاجة، واقطعي الطرف العلوي منها، وثبيتيهم باللزق على حامل خشبي وعلقيهم على الحائط. زجاجات البلاستيك

5- حامل للموبايل

زجاجة الشامبو الفاضية ممكن تستخدميها كحامل للموبايل وهو بيتشحن، أهم حاجة تظبطي مكان الثقب اللي هتتعلق منه الزجاجة على الشاحن، بحيث يكون مقاسه مناسب لمقاس الشاحن. زجاجات البلاستيك

6- حامل للإكسسوارات

بدل ما إكسسواراتك ومكياجك منتشر في كل مكان على التسريحة، تقدري تعملي حامل من الزجاجات البلاستيك القديمة. كل اللي هتحتاجيه حامل معدن، وهتثبتي عليه الطرف السفلي لزجاجات البلاستيك. زجاجات البلاستيكزجاجات البلاستيك

7- أطباق

تقدري تستخدمي الزجاجات البلاستيك كأطباق لتقديم الفواكه والمكسرات، هتحتاجي بس الطرف السفلي أو قاع الزجاجة، واستخدمي حرارة المكواة لتنعيم مكان القطع، وزينيه بالرسومات والألوان. زجاجات البلاستيك

8- الزينة

بالزجاجات البلاستيك هتعملي زينة شيك في بيتك، ومن غير ما حد هيفهم أنها معمولة من زجاجات بلاستيك قديمة. هتستخدمي قاع الزجاجة، واعملي شراشيب وأشكال عليه بالمقص، ولونيهم بألوان مختلفة، والزقيهم كلهم في بعض، وعلقيهم بحبل أو خيط في السقف أو على أي حائط. زجاجات البلاستيك

9- أباجورة

جمعي أكتر من زجاجة بلاستيك، واقطعي قاع الزجاجة بس، والزقيهم في بعض، وركبيهم على حامل متثبت عليه لمبة الأباجورة. ويفضل أنك تستخدمي زجاجات ملونة أو تلوينها بنفسك بالألوان عشان نور إضاءة الأباجورة يكون مختلف. زجاجات البلاستيك

10- فازة

ممكن تعملي من قاعدة زجاجات البلاستيك فازة للورد البلاستيك أو أصيص للزرع، ويفضل أنك تلوينيها، وتزينيها بأشكال مختلفة عشان تليق مع ديكور البيت. زجاجات البلاستيك


التعليقات

ضعي تعليقَكِ هنا

التقيمات

مقالات مشابهة