اكتر من 10 وصفات شوربة جديدة تعرفي عليها

اكتر من 10 وصفات شوربة جديدة تعرفي عليها

آخر تحديث : الجمعة ١٥ يوليو ٢٠١٩

الشوربة من أهم الحاجات اللي لازم تكون موجودة على السفرة في رمضان، وستات دوت كوم بيقدم لكي وصفات شوربة جديدة عشان تقدمي لهم الشوربة كل يوم بطعم مختلف.

شوربة الزبادي

أولاً: اخلطي المقادير دي مع بعض علبتين زبادي معلقة دقيق نصف معلقة فلفل معلقة ملح صفار بيضة قلبيهم كويس جداً حطي شوربة على النار، وعليها الخليط قلبيهم كويس، وسيبيهم على النار حتى الغليان وفي طاسة على النار حطي 2 معلقة زيت زيتون نعناع ناشف وقلبيهم لمدة دقيقة وضفيهم للشوربة

شوربة الكوسة

لعمل شوربة الكوسة أولاً في حلة حطي على النار حطي معلقتين زيت زبدة بصل كوسة ملح فلفل ورق نعناع توم بودرة قلبيهم كويس وضيفي عليهم الشوربة وسيبيها لحد ما تغلي ثانياً: هاتي بولة وحطي جواها كريمة لباني معلقة نشا واضربيهم كويس مع بعض بمضرب بيض وفي طاسة على النار حطي 2 معلقة زيت زيتون نعناع ناشف وقلبيهم لمدة دقيقة، عشان تعملي دريسنج الشوربة وكدة الشوربة تكون جاهزة للتقديم

شوربة البطاطس

لعمل شوربة البطاطس أولاً: في حلة حطي معلقتين زيت زبدة بصل بطاطس ملح فلفل بودرة توم زعتر جوزة الطيب قلبيهم كويس وحطي عليهم الشوربة وسيبيها لحد ما تغلي اضربي الشوربة في الخلاط بعدين حطيها تاني على النار وضيفي عليها كريمة لباني وسيبيها لحد ما تغلي، وقدميها في الأطباق بعد كدة

شوربة الحريرة

في حلة على النار حطي: معلقتين زيت زبدة لحمة وقلبيهم كويس لحد لما اللحمة تستوي شوية بعد كدة حطي عليهم بصل وقلبي لحد ما يتشوح وضيفي ملح فلفل بودرة توم صلصة قطع طماطم لسان عصفور محمر وقلبيهم كويس بعد كدة حطي الشوربة عليهم، ولما تغلي ضيفي عليها نعناع ناشف بقدونس وكدة تكون الشورية خلصت وجاهزة للأكل

شوربة المشروم

لعمل شوربة المشروم أولاً: في حلة حطي معلقتين زيت زبدة بصل مشروم ملح فلفل قلبيهم كويس ضيفي الشوربة وسيبيها لما تغلي ثانياً: في بولة كبيرة حطي لبن كريمة لباني دقيق وقلبيهم كويس ضيفي الخليط على الشوربة وقلبيه كويس وبكدة تكون الشوربة جاهزة للتقديم

شوربة الخضار

عشان تعملي شوربة الخضار : أولاً على طاسة على النار حطي: معلقتين زيت زبدة جزر بسلة بطاطس مشروم ملح فلفل وقلبيهم كويس ثانياً: ضيفي عليهم الشوربة ولما تغلي حطي عليها كسبرة وقلبي كويس وكدة تكون الشوربة جاهزة للتقديم

شوربة البروكلي

في حلة حطي معلقتين زيت زبدة بصل بطاطس بروكلي قلبيهم كويس وضيفي عليهم الشوربة وسيبيها لحد ما تغلي اضربي الشوربة بعد كدة في الخلاط حطيها على النار بعد ضربها وضيفي عليها لوز مفروم وبكدة تكون الشوربة جاهزة

شوربة الفلفل

لعمل شوربة الفلفل أولاً: في حلة حطي معلقتين زيت زبدة بصل فلفل أحمر فلفل أصفر توم مفروم ملح فلفل صلصة قلبيهم كويس ضيفي عليهم الشوربة، وسيبيها لحد ما تغلي اضربي الشوربة في الخلاط وبكدة تكون جاهزة على التقديم

شوربة الجزر والزنجبيل

لعمل شوربة الجزر أولاً: في حلة حطي معلقتين زيت زبدة بصل بطاطس جزر ملح فلفل زنجبيل جوزة الطيب وقلبي كويس بعد كدة ضيفي عليهم الشوربة، وسيبيها لحد ما تغلي ثانياً: اضربي الشوربة في الخلاط وبكدة تكون جاهزة أنك تقدميها في الأطباق

شوربة البازلاء

في حلة على النار حطي معلقتين زيت معلقة زبدة بصل بسلة توم ناعم ملح فلفل قلبي كويس وضيفي بعد كدة ريحان شوربة وسيبيها لحد ما تغلي وفي بولة حطي معلقة نشا كريمة لباني وبعد ضرب الشوربة في الخلاط ضيفي الخليط ده عليها وهي على النار كدة الشوربة جاهزة على التقديم.

شوربة الطماطم

لعمل شوربة الطماطم أولاً: في حلة على النار حطي: معلقتين زيت زبدة بصل طماطم صلصة سكر بودرة توم فلفل ملح ريحان قلبي كويس وبعدين ضيفي عليهم شوربة، وسيبيها لحد ما تغلي وفي بولة حطي: لبن معلقة نشا ضيفي الخليط على الشوربة على النار بعد ضربها في الخلاط وبكدة تكون الشوربة جاهزة.

شوربة البصل

عشان تعملي شوربة البصل هتحتاجي حلة على النار وحطي جواها: معلقتين زيت زبدة بصل بدقيق قلبي كويس لحد ما البصل يتحمر ضيفي عليها الشوربة بعدين ملح فلفل بودرة توم زعتر قلبي كويس وسيبيها لحد ما الشوربة تغلي وضيفي عليها جبنة موزاريلا. وفي طاسة تانية حطي: زيت زبدة بودرة بصل بودرة توم ملح عيش توست وحمريه كويس في الطاسة وحطي العيش على الشوربة في طبق التقديم


التعليقات

ضعي تعليقَكِ هنا

التقيمات

مقالات مشابهة