Admin
طرق علاج البقع البنية في الجسم "الجزء الأول"

طرق علاج البقع البنية في الجسم "الجزء الأول"

وشي مش نفس اللون، حاسة أن عندي بقع بني، كل جزء في وشي له لون مختلف، البقع البنية مشكلة للأسف بيعاني منها بنات وسيدات كتير جداً، لومش بتظهر على الوجه فقط، ولكن بتظهر على سطح الجلد عموماً في جميع أنحاء الجسم. البقع البنية حاجات كتير ممكن تسببها في الوجه، يعني ممكن تكون جاية من آثار حب شباب أو كلف، أو نمش أو مثلاً برفيوم تفاعل مع الشمس فساب لون بني على الوش، أو لأسباب طبيعية حاجات موجودة في جسمنا بتخلي وشنا ميبقاش نفس اللون. ممكن كمان يكون نتيجة أنك لابسة الإيشارب طول اليوم، والإيشارب بيكون مخبي جزء، والجزء التاني اللي بيكون معرض للشمس بيتغير لونه.

علاج البقع البنية

1- واقي الشمس

أول خطوة في علاج البقع البنية أن الدكتور يشخص ويحدد أسباب ظهورها، ولو اللون البني ده ظاهر على أجزاء الجسم اللي بتتعرض للشمس، يبقى مفيش وسيلة علاج ممكن تنفع من غير ما تحطي واقي شمسي، يعني مينفعش تستخدمي حاجة بتفتح الجلد بس، بل بالعكس ممكن تستخدمي واقي شمس بس في العلاج. لأن مع الوقت هنلاقي خلايا التلوين دي هتتاكل من الجسم وهترجعي للونك الطبيعي، لكن واقي الشمس هيمنع باقي أجزاء الجسم من أنها تتلون.

2- كريم التفتيح

كريم التفتيح لوحده يقدر يجيب نتيجة لو كانت البقع البنية دي موجودة في الأماكن اللي جلدها رقيق زي الوجه أو الكف أو المناطق الحساسة. لكن لو بنتعامل مع المناطق اللي جلدها سميك زي الظهر أو الركب أو الكوع، بنضطر نعمل خلطة بحيث بحيث يكون فيها نسبة من مواد تقشيرية، بحيث نسمح لكريم التفتيح يوصل لأماكن أعمق في الجلد.

3- ماسكات التفتيح

لو مستعجلة ومعندكيش وقت، يعني فرحك قرب مثلاً، ممكن تلجأي لماسكات التفتيح عشان توصلي لنتائج أسرع. التقشير ممكن ميوصلناش للنتائج اللي أحنا عايزينا في الحالات الللي بتعاني من البقع البنية، على العكس كمان ممكن يسبب التهابات. دلوقتي في ماسكات بتتعمل في عيادات التجميل، وهي آمنة جداً، وتقدر في شهر واحد توصلنا لدرجة تفتيح بنسبة 50 أو 60% عن التقشير العادي، وكمان تكلفتها تعتبر اقتصادية. وفي أنواع ليزر بنستخدمها مع الماسكات عشان نوصل للون المطلوب زي الليزر التقشيري "الفراكشنال ليزر"، وبيتم ظبطه على درجات معينة، وبيجيب نتائج كويسة جداً.   h

مقالات مشابهة


التعليقات

ضعي تعليقَكِ هنا

التقيمات

;