8 حيل سحرية لإخفاء عيوب الوجه بالمكياج

8 حيل سحرية لإخفاء عيوب الوجه بالمكياج

آخر تحديث : الجمعة ٢٤ يوليو ٢٠٢٠
بلغي عن مشكلة

مفيش بشرة مثالية 100%، ولا وجه خالي من  العيوب، إلا أن كل بنت بتكون شايفة عيب محدد في وجهها، وبتتمنى أنها تتخلص منه أو حتى تخفيه عن الأنظار بـ المكياج. والمكياج هو أفضل وسيلة لإخفاء عيوب الوجه، وخصوصاً أن حصل فيه تطور كبير، وظهرت أنواع قادرة على إخفاء عيوب محددة وفي مناطق معينة في الوجه. يعني المكياج مبقاش وسيلة لتجميل الوجه بس، لأ ده كمان بيخفي كل العيوب، وبيخلي البشرة صافية ومثالية 100%، أهم حاجة تكوني عارفة تستخدمي نوع مكياج أيه، وإزاي هتستخدميه في إخفاء العيب اللي مضايقك في وجهك. وبنقدملك مجموعة عيوب الوجه وحيل بسيطة هتعملك إزاي تخفيها بالمكياج:

1- الهالات السوداء

الهالات السوداء من المشاكل اللي بتعاني منها بنات كتير من سن 17 لحد 40، كريم الأساس لوحده مش هيخفي الهالات السوداء، ولو حاولتلي تحطي طبقة سميكة منه عشان تخفي الهالات شكل الوجه هيكون مش طبيعي، والمكياج هيظهر بشكل مبالغ فيه. فالأحسن أنك تخفي الهالات السوداء بالكونسيلر، ويفضل أنه يكون أغمق درجتين من لون البشرة الطبيعي، حطي كمية بسيطة منه حول العين، فوق طبقة بسيطة من كريم الأساس، عشان طلتك تكون طبيعية. لو الهالات الموجودة تحت عينيكي لونها بنفسجي استخدمي كونسيلر لونه أصفر، ولو لونها أزرق اختاري كونسيلر لونه برتقالي. 1- الهالات السوداء

2- الحبوب

الحبوب وآثارها من الحاجات اللي بتأثر بشكل كبير على جمال الوجه، وخصوصاً لو كانت منتشرة في مناطق كتيرة فيه. تقدري تخفي الحبوب بخطوات بسيطة وهي: - استخدمي البرايمر المطفي والخالي من الزيوت، ووزعيه كويس على وجهك، بعد كدة حطي طبقة بسيطة من كريم الأساس، ووزعيه بالأسفنجة أو الفرشاة عشان توحدي لون البشرة. - حطي الكونسيلر فوق المناطق اللي فيها حبوب، وادمجيه مع البشرة بصوابعك، لحد ما تخفي أثر الحبوب تماماً، واستخدمي كونسيلر لونه أخضر، لأن حسب قاعدة الألوان الأخضر هو المعاكس للون الأحمر فبيخفيه. - حطي في الآخر مسحة من بودرة الوجه عشان تدي وجهك طبقة نهائية محايدة. 2- الحبوب

3- الندوب والحفر

لو عندك في وجههك آثار لندوب أو حفر، تقدري تخفيها بأنك تحطي كريم  أساس وبودرة على الحفرة لحد ما تمليها، وابعدي عن أحمر الخدود، وخصوصاً الألوان اللي بتلمع منه. 3- الندوب والحفر

4- البشرة الجافة

لو بتعاني في وجهك من تشققات وتقشير، حطي كريم مرطب قوي على بشرتك قبل كريم الأساس، عشان تتخلصي من الجفاف، واتأكدي من أن كريم الأساس والبودرة اللي بتستخدميها بتحتوي على نسبة ترطيب عالية. 4- البشرة الجافة

5- عيوب الأنف

بحيل بسيطة بالمكياج ممكن تغيري شكل أنفك بسهولة، فلو كان الأنف العريض حطي أحمر خدود بلون غامق أو كونتور على جانبي الأنف. أما لو كان الأنف طويل فحطي الكونتور أو أحمر الخدود تحت الأنف. 5- عيوب الأنف

6- عيوب الشفايف

لو شفايفك صغيرة وعايزاها تبان أكبر شوية، اختاري ألوان الروج الغامقة، وارسمي الروج برة إطار الشفايف شوية. أما لو الشفايف متوسطة أو كبيرة فاختاري ألوان الروج الفاتحة، ومتعمليش تحديد للشفايف. لو بتعاني من تشققات في الشفايف يفضل أكتر أنك تستخدمي روج لامع، أو ممكن تستخدمي المط بس متحطيش منه كميات كبيرة. 6- عيوب الشفايف

7- الخدود الكبيرة

صاحبات الخدود الكبيرة الأفضل استخدموا الكونتور الغامق في نصف الخد لتحديد المنطقة دي به، وباقي أجزاء الخد استخدموا معاه لون فاتح. ابعدوا عن استخدام الألوان اللامعة، واستخدموا درجات البيج الفاتح، أو اللون الخوخي. 7- الخدود الكبيرة

8- عيوب العين

صاحبات العيون الواسعة متكتروش من اللون الأسود في العين لأنه بيوسعها أكتر، وممكن تكتفوا به فوق العين بس، والعكس لصاحبات العين الضيقة. العيون المتوسطة بتليق عليها أغلب رسمات العيون، بس أفضل رسمة لعينهم هي الرسمة السموكي فوق العين، مع عمل خط أسود خفيف فوق وتحت العين. 8- عيوب العين https://www.youtube.com/watch?v=_dhqZOcmvZM&feature=youtu.be


التعليقات

ضعي تعليقَكِ هنا

التقيمات

مقالات مشابهة