مجموعة وصفات للمكرونة - بالهنا والشفا

وصفات للمطبخ مجموعة وصفات للمكرونة - بالهنا والشفا

مجموعة متنوعة من  وصفات للمكرونة 

طريقة عمل المكرونة بالبشاميل
المكرونة بالبشاميل مشهورة في كل البيوت، وهنقدمها لك على مطبخ ستات دوت كوم بوصفة سهلة وبسيطة. أولاً هنسلق المكرونة، وهنحط لها ملح بس أثناء السلق.

اللحمة العصاج
وفي الوقت نفس هنعمل لحمة مفرومة عصاج، هنجيب لحمة مفرومة ونحطها في الحلة ونسيبها تنزل المياه منها خالص، وبنضيف عليها بصلة بالملح والفلفل بتكون متبلة فيهم، وقبل ما بنضيف البصلة بنكون مشوحينها شوية، ونسيبهم يستوا مع بعض. هنحط اللحمة على المكرونة، في ناس بتحب تعمل المكرونة طبقات طبقة مكرونة وطبقة لحمة، بس أحنا هنمزجهم مع بعض.

وصفات للمكرونة

البشاميل
في ناس كتير بتواجه مشاكل مع البشاميل سواء كان بيطلع تخين أو خفيف، بس أحنا هنعمله بطريقة هتخليه يطلع مظبوط. هنحط 3 معالق زيت في حلة على النار، وبنحط معلقة دقيق على كل كوبايا لبن عشان البشاميل يكون مظبوط، ومش هيكلكع كدة خالص. وفي طريقة تانية للبشاميل أننا نحط الدقيق على اللبن ني في ني ونقلبهم مع بعض لحد لما الدقيق يدوب خالص جوة اللبن، ونبتدي نحطه على النار. هنحط معلقتين دقيق ونقلبهم كويس، أهم حاجة أنهم يدوبوا في الزيت كويس عشان البشاميل ميكلكعش، وبعدين هنضيف كوبايتين لبن، وهنحط ملح وفلفل، هنقلب كويس، ونسيبه لحد ما يغلي، وممكن تضيفي موزاريلا عليه أو كريمة زي ما تحبي. ودلوقتي هنضيف البشاميل على المكرونة، ممكن تحطي الموزاريلا على البشاميل وهو على النار، أو على المكرونة فوق الوش. هنحط المكرونة في الفرن على درجة حرارة 180 حوالي ساعة إلا ربع، وبعد كدة هتكون جاهزة على التقديم.

 

https://www.youtube.com/watch?v=GkXDqMMefeM

 

 

طريقة عمل النجرسكو
المكونات
مكرونة مسلوقة
فراخ "ممكن نسلق الفراخ أو نشوح الفراخ في الحلة من غير زيت أو سمنة لحد ما لونها يتغير، ونحط لها ملح وفلفل وتوم بودرة وبصل بودرة، وربع كوبايا مياه تستوي فيه الفراخ.
الخطوات
بنحط المكرونة وعليها الفراخ، ممكن تزودي مشروم متشوح أو فلفل ألوان، وممكن تعملي المكرونة طبقات أو تدمجي المكونات كلها مع بعض. وبعدين في الآخر هنحط البشاميل على المكرونة. ندخل المكرونة في الفرن على درجة حرارة 180 حوالي ساعة إلا ربع، وهنتابعها لحد ما وشها يحمر، وبالهنا والشفاء.

 

https://www.youtube.com/watch?v=frcnkQEe4Ag

 

طريقة عمل الكانيلوني
الكانيلوني ممكن يتحشي باللحمة المفرومة أو شاورما الفراخ واللحمة، أو السبانخ. فيه نوعين كانيلوني: المواسير الجاهزة اللي بنشتريها او أن أحنا نعمله كريب



وصفات للمكرونة 

المكونات
"عجينة كانيلوني ¾ كوبايا دقيق ¾ كوبايا لبن بيضتين ملح فلفل ومعلقة زيت هنضرب المكونات مع بعضها في بولة، وفي طاسة نقطة زبدة هنعملها، ولما يتحمر جنب واحد منها هنقلبها الناحية التانية. الصلصة بنحمر توم في زيت، ونحط عليهم كوبايا مياه، ومعلقة صلصة، وملح وفلفل ونسيبها تتسبك. لحمة عصاج. موزاريلا بشاميل

الخطوات
هنفرد الصلصة على الصينية من تحت، وهنجيب الكانيلوني وهنحط عليه اللحمة، والبشاميل ونلفه، ونحطها في الصينية، هنحط البشاميل من فوق الوش، والموزاريلا. هندخل الصينية الفرن، وأهم حاجة يكون سخن، لغاية لما الجبنة تسيح عليه.

https://www.youtube.com/watch?v=tk6aW402HOo

 

 

مواضيع ذات علاقة
تخزين البامية - طريقة تخزين البامية
تخزين البامية - طريقة تخزين البامية

البامية من الخضروات الموسمية، فهي موجودة في الأسواق في الصيف، لذلك تظهر الرغبة في تخزينها للاستفادة منها طوال السنة، نقدم لكِ طريقة تخزين البامية في المنزل بشكل

ساندويتشات المدرسة بطريقة مبتكرة تجعل طفلك يتناول طعامه
ساندويتشات المدرسة بطريقة مبتكرة تجعل طفلك يتناول طعامه

تعاني كل أم  مع أطفالها بسبب عدم تناولهم لساندويتشات المدرسة، ويحتاج الطفل أثناء يومه الدراسي إلى الأطعمة التي تمد جسمه بالنشاط

كيف نغسل الدجاج
كيف نغسل الدجاج

كيف نغسل الدجاج ؟ تعرفي على الإجابة مع ستات، فتحرص الأمهات والنساء بشكل عام على نظافة المأكولات وغسلها جيدا قبل طهيها، وذلك لحفاظ على صحة

فوائد عصير فاكهة العاطفة Passion Fruit
فوائد عصير فاكهة العاطفة Passion Fruit

فوائد عصير فاكهة العاطفة رغم غرابة اسمها، وعدم معرفة الكثير عنها، إلا أنها تتميز بسهولة التحضير، وبأقل التكاليف، عصير باشن فروت، والتي تسمى بفاكهة العاطفة، حيث

التعليقات
لا يوجد تعليقات
اكتبي تعليق
comments::comments.your_message_is_required